Uma maternidade iha Sentru Saúde Lospalos Vila ne´ebé konstroi dezde tempu indonézia, oras ne´e daudaun a´at no laiha kondisaun sufisiente atu fo atendimentu ba inan sira ne’ebé partu.
Alende ne´e fasilidade ne´ebé uza iha uma refere hanesan kulsaun komesa a´at ona, tanba uza dezde tinan rihun 2015. Pesoal saúde iha terrenu preokupa ho situasuan ne´e, tanba to´o agora seidauk iha intervensaun ba situasuan ne´e. Kulsaun ne´ebé durante ne’e uza iha uma maternidade ne´e hamutuk 32.
``Fasilidade servisu iha hospital ne´e hanesan ita bo´ot sira haree plafon sira dodok hotu, odamatan sira mós ladi’ak, la´os iha ha´u nia edifisiu ne´e de´it maibe iha pasiente sira nian, hanesan casa das mais (uma tuur hodi partu), ida ne´e uluk iha tinan 2016, sira (nasionál) mai haree dehan atu rehabilita, maibe ita hatene orsamentu seidauk aprova karik mak sei nafatin hanesan ne´e”,Xefe Sentru Saúde Komunitaria Nivel 2 Lospalos Justino dos Santos ba GMN iha hospital refere semana ne´e.
Alende ne´e, kareta ambulánsia ne´ebé mak hodi transporte pasiente sira husi Aldeia ka husi Suku laran hodi mai Lospalos vila rua mak agora para de´it iha hospital Lospalos, tanba iha kondisaun aat.
To’o notísia ne’e publika GMN seidauk konfirma ho parte Ministériu Saúde.avi
