Diretór Jeral Sekretariu Estadu Formasaun Profisionál no Empregu (SEFOPE), Paulo Alves, afirma, ba kandidatu sira ne’ebé mak liu ona ezame fíziku, eskrita no orál, sei tuir tan ezame médiku iha Stamford Medical ho kustu dolar USD 390 kada ema ida, kriteria ne’e la’os mai husi SEFOPE, maibé regulamentu ne’e mai husi Governu Austrália.
Relasiona ho kustu ne’e, SEFOPE halo ona aprosimasaun ho Governu Austrália hodi redúz montante refere, tanba sai preokupasaun públiku nian.
“Halo rekrutamentu liu ona konserteza kuandu ezame médiku sira tenke selu duni iha balun to’os na’in mak selu tiha depois teste servisu tiha Austrália, servisu mak fó fali sira nia osan mais balun laiha antes sira ba sira nain mak tenke selu duni ba ezame médiku ninian ne’e, ezame médiku liu ka liu uluk 390, ita ba halo loby, tanba ezame ba prosesu ne’e rasik iha Cindranita, maibé malae sira husi Austrália sira prefere liu ba Stamford Medical hanesan óspitál ida ne’ebé mak sira husi Austrália husu para atu husu prosesu teste iha ne’ebá,” Diretór Jerál SEFOPE ne’e ba GMN, iha Ótel Novo Turismo, Tersa (06/10/2020).
Entretantu dau-daun ne’e SEFOPE sei halo teste fíziku ba kandidatu sira ne’ebé mak liu ona iha selesaun dokumentu hamutuk rihun sanulu resin tolu, teste refere sei finaliza iha Sesta, loron 9, fulan Outobru, hafoin ne’e tuir kedas ezame eskrita, oral no ikus liu mak ezame médiku. Ina
