GMN TV Saude e Educação Governu apela inan-aman haruka oan ba vasina Pfizer

Governu apela inan-aman haruka oan ba vasina Pfizer

33 views

Ministra Saúde (MS) Odete Maria Freitas Belo, husu inan-aman atu haruka oan sira ho idade 12  to’o 17 atu partisipa simu vasina Pfizer, hodi luta hasoru COVID-19.

Governante ne’e dehan, vasina Pfize ne’e seidauk ba to’o munisípiu sira seluk, maibé ba deit Munisípiu Díli no ba eskola sira iha Díli laran deit.

“Ha’u husu deskulpa ba ita bo’ot sira katak, vasina ida ne’e seidauk ba to’o iha munisípiu sira seluk, ha’u espera katak iha fulan Novembru ka Dezembru, ita bele lori tan vasina Pfizer ba ita-nia alin sira iha munisípiu” dehan MS Odete, hafoin halo lansamentu ba vasina Pfizer iha Díli Kinta (28/10).

Alénde ne’e Ministru Edukasaun Juventude no Desportu (MEJD), afirma, estudante sira tenke partisipa másimu iha vasina ne’e, atu Governu bele reativa fali aula prezensiál.

“Ba alunu no inan-aman sira, mai ita hot-hotu apoia programa ida ne’e,”dehan Armindo Maia.

Antes halo lansamentu ba vasinasaun Pfizer iha Eskola 30 de Agostu, maibé pesoal saúde sira halo uluk ona vasina ba eskola-oan sira iha Díli laran.

Vasina Pfizer ba labarik sira ne’e fó ho 0,3 mililítru, kada ema ida doze dahuluk no liu semana tolu mak foin simu fali doze daruak. Vasina Pfizer vial (botir) ida sona ba ema na’in neen. Vasina Pfizer ne’e hetan apoiu husi Estadu Unidu Amérika (EUA) hamutuk doze 100.620.GMN


Banner

Foto

Notisia Ikus

Governu adia dikusaun ba pedidu reforma Lere Anan Timur

January 20, 2022
Reuniaun Konsellu Ministru (KM) iha Palásiu Gov...

La atende kontaktu deputadu nian, PPN “hirus” MOP Salvador

January 20, 2022
[caption id="attachment_59069" align="aligncenter"...

CNE seidauk simu lista kandidatura PR

January 19, 2022
[caption id="attachment_59064" align="aligncenter"...

Eis Padre Martinho Gusmão deklara kandidata-an ba PR

January 19, 2022
Eis padre Martinho Germano da Silva Gusmão anú...

Ministru José Agustinho “ameasa” hasai funsionáriu APORTIL 24

January 19, 2022
[caption id="attachment_59043" align="aligncenter"...
1 2 3 683

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker