GMN TV Saude e Educação Governu selu tan propinas semestre daruak ba estudante

Governu selu tan propinas semestre daruak ba estudante

1,213 views

Governu liu husi Ministériu Ensinu Superiór Siénsia no Kultura (MESSK), prevee ona orsamentu millaun USD 5.6 hodi halo pagamentu ba propinas semestre daruak nian,  ba estudante Universitáriu sira, iha Timor-Leste laran tomak.

Ministru Ensinu Superiór Siénsia no Kultura, Longuinhos dos Santos, informa, pagamentu ba semestre dahuluk nian konklui ona, nune’e faze daruak tenke kontinua, tanba aula prezensiál kontinua suspende.

“Tuir Lei ne’ebé mak iha, primeiru semestrál, ita halo ona pagamentu, e depois tama fali ba segunda semesteral, segunda semestrál ne’e hahú husi juilu ba leten, tanba tuir lei ne’e hateten, kuandu suspende atividade letiva iha segunda semestrál nian, ne’e tenki halo pagamentu ba propinas ba estudante sira nian, Primeiru Semestrál ita tau 5.6 Milhões, agora tuir fali mai ho valor ne’ebé hanesan 5.6 Milhões,” dehan Longuinhos dos Santos, iha Parlamentu Nasionál, Tersa (26/10).

Pagamentu semetre daruak nian sei hahú, bainhira universidade sira submete hotu ona relatóriu pagamentu semestre dahuluk nian, tanba pagamentu daruak nian bazeia ba relatóriu ne’ebé iha.

Dadus ne’ebé relata husi membru Governu ne’e katak, Institu no Universitáriu hamutuk Sia mak submete ona sira nia relatóriu ba Ministériu, maibé Institu no Universitáriu Sia mak seidauk submete.

Tanba ne’e governante ne’e husu ba universidade sira, tenki hatama relatóriu antes loron 30, iha fulan ida ne’e.

Tuir lei númeru 8/2021 kona-ba ‘Orsamentu Jerál Estadu ba 2021  no aprovasaun ba medida apoiu sosiu-ekonómiku, iha Seksaun III Medida Apoiu ba Estudante,  artigu  16 Insesaun Pagamentu Propiña sita katak, “A  isenção de pagamento aplica-se, igualmente, ao segundo semestre do ano letivo de 2021, até ao limite de US $150,00, caso as medidas de suspensão das atividades  letivas se prolonguem para além do primeiro semestre.”Ags


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker