GMN TV Saude e Educação Pasiente HIV-SIDA maioria la halo tratamentu

Pasiente HIV-SIDA maioria la halo tratamentu

55 views

Sekretáriu Ezekutivu, Komisaun Nasionál Kombate HIV-SIDA, Atanásio de Jesus hatete, pasiente ho HIV-SIDA husi tinan 2003 to’o ohin loron iha territóriu laran tomak, porsentu 48 deit mak halo ona tratamentu, no porsentu 52 mak la hala’o tratamentu.

Pasiente hirak ne’e la halo tratamentu, tanba fatin atu simu medikamentu HIV-SIDA nian Anti-Retroviral Virus (ARV), dok husi pasiente sira nia hela fatin, no balu moe, balu lakohi koopera ho saúde, tanba konsidera HIV moras bai-bain.

Tanba parte komisaun rekomenda ba Ministériu Saúde (MS), atu harii fatin Anti-Retroviral Terapi (ART), iha Munisípiu no Rejiaun Autónomu Espesiál Oecusse Ambeno (RAEOA), atu pasiente HIV-SIDA hotu bele hetan tratamentu, hodi kontribui ba redusaun númeru moras ne’e iha Timo-Leste.

“Ita nia pasiente ho HIV-SIDA ita iha 48% mak halo tratamentu, 52% la halo tratamentu, tanba ninia fatin atu foti ai-moruk ne’e dok demais, ou ida fali tan, bainhira sira deteta tiha sira abandona tiha, sira lakohi ba koopera ho pesoál saúde sira atu halo tratamentu, ne’e ameasa ba sira nia moris rasik, no ameasa ba ema seluk, sira ne’e mak maka’as atu hada’et ba ema seluk, tan ne’e mak ita nia virus HIV-SIDA aumenta maka’as ne’e,” dehan Atanásio de Jesus, Segunda (04/10), hafoin hala’o sensibilizasaun iha Manatutu.

To’o ohin loron, nasaun hotu seidauk deskobre medikamentu espesifiku hodi halakon virus HIV, maibé iha deit medikamentu ne’ebé pasiente HIV sira konsumu hodi redús nia risku transmisaun no aumenta sira nia imunidade.

Timor-Leste liu husi Komisaun Nasionál Kombate HIV-SIDA to’o agora, rejista ona sidadaun ne’ebé hetan ona infeksaun HIV hamutuk 1.371, husi númeru ne’e pasiente ne’ebé mate tanba HIV, hamutuk 155.Ags

 


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker