GMN TV Saude e Educação Vasina Pfizer doze 100.620 to’o tan TL

Vasina Pfizer doze 100.620 to’o tan TL

32 views

Estadu Unidu Amérika (EUA), oferese tan vasina hamutuk doze 100.620 ba Governu Timor-Leste (TL), liu husi COVAX Facility no Fundu Nasoins Unidas ba Labarik (UNICEF-sígla portugés), no vasina ne’e to’o iha Aeroportu Internasionál Nicolau Lobato Comoro Díli, iha Sábadu, loron 16, fulan Outobru ne’e, ho Aviaun Cargo Airlines.

Enkarregadu Negósiu Embaixada EUA, Tom Dalei hatete, apoiu ne’e la to’o deit ho doze rihun 100 liu ne’e, maibé Governu Amérika kontinua apoiu nafatin vasina ba povu TL, hodi luta hasoru corona vírus.

“Jenerozamente ohin (Sábadu-red) entrega vasina ba iha Timor-Leste hodi kombate COVID-19, Estadu Unidu kontinua oferese nafatin vasina ba nasaun sira ne’ebé presiza vasina hanesan ona Prezidenti Estadu Unidu nia Prezidenti Biden hatete katak, depois de haree ba nasoens sira-nia nesesidade atu utiliza vasina sira ne’e, Estadu Unidu ba oin sei oferese nafatin,” katak Tom Daley iha, Aeroportu Comoro.

Governu agradese ho solidariedade ne’ebé EUA halo ba TL liu husi apoiu vasina kontra COVID-19, nune’e bele fó vasina ba labarik sira ho idade 12 to’o 17, iha ámbitu kombate COVID-19.

“Ida ne’e ha’u hanoin ne’e importante no sei lori benefísiu boot tebe-tebes ba ita-nia labarik besik rihun-limanulu hanesan ne’e, tanba ida ne’e fahe ba doze rua no preparasaun ita hanoin hala’o ona preparasaun hamutuk ho Ministériu Saúde,” agradese Ministru Edukasaun Juventude no Desportu, Armindo Maia.

Vasina ne’ebé parseiru internasionál sira oferese ba Governu TL hodi kombate hasoru virus ne’e mak hanesan Austrália (577.850-AstraZeneca), Japaun (168.000-Sinovac), Xina (100.000-Sinovac), Nova Zelandia (24.000-AstraZeneca), Portugal (142.000-AtraZeneca), COVAX Facility (100.800-AstraZeneca), EUA (100.620-Pfizer), tanba ne’e doze vasina ne’ebé nasaun sira parseiru oferese hamutuk 1,213.270. Antes ne’e, EUA mós oferese ona millaun USD 5.9 ba Governu TL hodi prevene no kombate COVID-19.

MEJD garante estudante barak sei partisipa iha vasina

Ministériu Edukasaun Juventude no Desportu (MEJD), Armindo Maia, iha esperansa katak, estudante husi idade 12 to’o 17 sei partisipa másimu iha vasina Pfizer ne’ebé tulun husi Governu EUA, hodi kombate COVID-19. Tanba ne’e nia husu ba inan-aman sira atu ekonraja oan sira simu vasina ne’e.

“Husi Ministériu Edukasaun hakarak hatete katak, ami prontu ona karik vasina hala’o iha eskola ita-hotu prontu, ha’u fiar katak estudante sira sei partisipa másimu, tanba labarik ki’ik minoridade karik presija konsentimentu husi inan-aman sira, mas ha’u fiar katak inan-aman sira sei la sai obstákulu ba ida ne’e. Tanba fin da kontas vasina ne’e sei salva ita-nia oan sira, ita boot sira vasina tiha ona, Governu mós hanoin labarik sira 12 to’o 17 bele vasina,” garante Armindo Maia, hafoin simu vasina doze 100.620 ne’ebé oferese husi EUA, Aeroportu Internasionál, Nicolau Lobato, Comoro, Sábadu (16/10).

Dadus vasina ne’ebé atualiza husi Sentru Integradu Jestaun Krize (SIJK) to’o loron 16, fulan ne’e, populasaun ho idade 18 ba leten ne’ebé simu ona vasina doze dahuluk atinje ona porsentu 76.3, no doze daruak foun atinje porsentu 43.1.Ade


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker