Diretor Ezekutivu Hospital Nacional Guido Valadares (HNGV), Aniceto Barreto, informa, pasiente vítima akontesimentu Kuluhun de Baixo, nain rua alta ona, no nain tolu kontinua baixa enkuantu mate isin nain tolu seidauk autopsia tanba sei hein karta autorizasaun husi Ministériu Públiku.
Aniceto hateten, tuir dadus ne’ebé mak rejista iha HNGV, vítima akontesimentu Kuluhun de Baixo, ne’ebé mate dezde inísiu to’o ohin loron nafatin nain tolu, nain rua alta ona no nain tolu kontinua baixa no husi nain tolu ne’e ida kontinua iha sala ICU, tanba sei ho kondisaun krítiku no nain rua seluk ida iha sala baixa feto nian no ida seluk iha sala baixa mane nian enkuantu mate isin nain tolu seidauk autopsia tanba sei hein karta otutorizasaun husi Ministériu Públiku.
“Relasiona ho kazu Kuluhun ne’e ita iha pasiente mai hamutuk nain 8 ate agora nain tolu mak mate konforme rejistrasaun ne’ebé mak ita iha, nain rua tama iha sala operasaun intensiva no operasaun halo duni, operasaun boot, ida agora sei iha ICU no ida seluk ba ona iha sala baisa bai-bain, ida fali kanek maibe laba iha sala operasaun, nia hetan deit intervensaun pois baixa agora dadauk baixa hamutuk nain 3, ida iha ICU ida sala baixa feto nian no ida iha sala baixa mane nian”,Diretor Ezekutivu HNGV, Aniceto Barreto Informa ba Jornalisra sira iha nia servisu fatin Bidau, Díli, Segunda (19/11/2018).
Aniceto haktuir, dezde hahú husi pasiente anin 8 tama númeru pasiente ne’ebé mak mate nafatin nain 3 de’it la’os nain ha’at ka lima tuir informasaun ne’ebé mak utilizasau media sosial sira espalha katal vítima akontesimentu Kuluhun oras ne’e dadauk aumenta ba nain 4 ka nain lima.
“Laiha lista ida mak hakerek dehan nain 4, maibe nain 3 ne’e de’it mak iha lista, ita husu reza para sira ne’ebé mak oras ne’e dadauk baixa tantu iha sala bai-bain nomos iha sala ICU bele diak lalais”,Aniceto hateten.
Liu husi oportunidade ne’e, Diretor Ezekutivu HNGV, hato’o sentidu kondolensia ba família matebian nain 3 ne’ebé mak to’o oras ne’e sei iha hela mortuario HNGV. Enkuantu pasiente sira ne’ebé mak oras ne’e dadauk sei baixa hela iha HNGV, Pesoal saúde sira tantu médiku enfermeiru sira sei halo esforsu hotu hodi salva sira nia vida.
Pasiente nain 8 hetan tiru husi memebru PNTL ho inisial FMS husi Unidade Polísia Marítima, no JSA husi Servisu Informasaun Polísia, iha oras tuku ida Madrugada iha Bairo Kuluhun de Baixo.Ola
