Dadus Komisaun Nasional HIV-SIDA hatudu katak, ema ho moras HIV-SIDA atinji ona 832, no husi númeru ne’e, ema 100 resin mak mate no ema hirak ne’e maioria Timor-oan.
Diretor Ezekutivu Komisaun Nasionál HIV-SIDA, Daniel Marçal, hateten, Timor-oan barak mak hetan moras Virus Imunodefisiensia Humanu - Sindroma Imunodefisiensia Adguinida ka HIV-SIDA, tanba sexu livre.
Daniel Marçal haktuir, dadus ne’ebé komisaun nasional HIV - SIDA identifika liu husi koperasaun ho Ministériu Saúde hatudu katak Ema Timor-oan ho Moras HIV - SIDA atinji ona 832 no husi númeru ne’e atus ida resin mate.
Husi dadus ne’ebé mak iha, Daniel Marçal aprofunda katak, preokupasaun fundamental liu mak uma laran ka família, ezemplu inan aman moris lá armonia entaun preselingkuhan akontese no ironia liutan oan sira abondanadu ne’e mos perigu, tanba livre afeta ba moras HIV-SIDA.
“Bainhira uma laran lá apoiu odamatan bele loke fali ba odamatan seluk, tanba kebutuhan biologia ne’ebé nesesididade bazik, tanba ne’e ita koalia ho ita nia maluk sira ne’e kestaun uma laran sai kestaun prioridade teb-tebes atu prevene seksu livre, no mos oan sira ne’ebé ransu livre tanba uma laran ne’ebé la sente hakmatek inan aman iha uma”,preokupa, Daniel Marçal ba jornalista sira iha, salaun Sentru Treinamentu Cooperativa Café Timor, Sabadu (24/11/2108).
Iha fatin hanesan, Diretor Cooperativa Café Timor-CCT, Lomelino Salsinha, hateten, ema hotu preokupa mundu inklui Estadu Timor-Leste preokupa tebes evolusaun HIV-SIDA iha paíz ida ne’e.
Tanba ne’e, liu husi sensibilizasaun ne’e ema hotu presiza hatene informasaun kona-ba impaktu husi moras HIV-SIDA hodi ema bele prevene - án.
“Orgullu ba komisaun HIV-SIDA bele hala’o workshop ida ne’e hodi ami iha CCT bele hatene no koinesimentu no ami sei hato’o ba mai nia maluk sira seluk tanba maiorio funsionariu CCT hala’o knar iha area rurais sira,” Lomelino Salsinha promote.
Liu husi sensibilizasaun ne’e, apela ba funsionáriu CCT atu prevene-an husi moras ne’e no kontinua hatutan infromasaun sira ba komunidade ne’ebé menus informasaun konaba moras HIV –SIDA.
Tuir dadus, ne’ebé iha Komisaun Nasional HIV-SIDA hatudu katak iha Munisípiu Ermera ema na’in 9 mak mate, na’in 4 mak identifikadu tanba moras HIV-SIDA.Eus
