GMN TV Saude e Educação Kama baixa iha HNGV limitadu, pasiente balu hamriik deit

Kama baixa iha HNGV limitadu, pasiente balu hamriik deit

241 views

Xefe Departementu Emerjénsia Ospitál Nasionál Guido Valadares (HNGV-sígla portugés) Doutór, Vidal de Jesus Lopes, rekuñese, daudauk ne’e númeru pasiente baixa iha sala emerjénsia HNGV nakonu, no laiha ona espasu kama atu oferese ba pasiente sira hodi toba, situasaun ne’e obriga pasiente balun tenke hamrik de’it.

“Ikus-ikus ne’e hafoin COVID-19 númeru pozitivu hahú menus, maibé númeru pasiente tama iha emerjénsia aumenta, até to’o pasiente balun tama atu baixa fatin laiha no sira hamrik de’it, ho razaun limitasaun kama, inklui sala baixa interna mós nakonu,” informa Doutór, Vidal de Jesus Lopes, ba jornalista iha Postu Administrativu Maubara, Munisípiu Likisá, Sesta (05/11).

Nia dehan, pasiente sira tenke hamrik hodi hein, bainhira hosi departementu sira iha laran kuandu seidauk fó alta, pasiente nune’e hodi fó oportunidade ba pasiente foun sira hosi emerjénsia.

“Maibé HNGV kria ona kondisaun extra-bed, signifika sala ida espesiál ba pasiente ho kategoria level, nune’e emerjénsia kuandu situasaun akses blok, pasiente sira bele transferensia fila-fali ba sala,” tenik.

Tanba ne’e atu haluan ka umenta espasu emerjénsia, ida ne’e diskusaun nível ezekutivu, tanba ne’e hanesan Xefe Departementu ida fó rekomendasaun atu tau iha konsiderasaun hodi fó espasu nune’e bele akumula pasiente iha hotu laran.

Diretór Ezekutivu HNGV, Alito Soares, konfirma, situasaun ne’e mosu, tanba pasiente ne’ebé dadauk ne’e tama iha emerjénsia HNGV, ninia númeru aumenta kompara ho situasaun COVID-19 antes ne’e ne’ebé númeru pasiente baixa menus.

“Iha períodu kuaze tinan rua resin ne’e, tratamentuu lor-loron iha ne’ebá durante pandeia COVID-19 númeru atendementu ne’ebé que iha tun, maibé depois de iha períodu fulan ida ne’e nia laran pasiente aumenta barak no sa’e maka’as, entaun signifika katak, pasiente ne’ebé agora mai dadaun ne’e númeru mai ne’e tuir fali normal antes COVID-19” konfirma Diretór Ezekutivu HNGV.

Tuir dadus ne’ebé fó sai husi Xefe Departementu Emerjénsia katak, hafoin kazu COVID-19 menus, pasiente ne’ebé maka tama iha HNGV, loron ida bele atende pasiente 100 resin.Eni


Banner

Foto

Notisia Ikus

Governu adia dikusaun ba pedidu reforma Lere Anan Timur

January 20, 2022
Reuniaun Konsellu Ministru (KM) iha Palásiu Gov...

La atende kontaktu deputadu nian, PPN “hirus” MOP Salvador

January 20, 2022
[caption id="attachment_59069" align="aligncenter"...

CNE seidauk simu lista kandidatura PR

January 19, 2022
[caption id="attachment_59064" align="aligncenter"...

Eis Padre Martinho Gusmão deklara kandidata-an ba PR

January 19, 2022
Eis padre Martinho Germano da Silva Gusmão anú...

Ministru José Agustinho “ameasa” hasai funsionáriu APORTIL 24

January 19, 2022
[caption id="attachment_59043" align="aligncenter"...
1 2 3 683

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker