GMN TV Saude e Educação MEJD hahú impresaun ba potus ezame nasionál

MEJD hahú impresaun ba potus ezame nasionál

35 views

Ministériu Edukasaun Juventude no Desportu (MEJD) halo ona abertura ba impresaun pontus ezame nasionál ba Ensinu Báziku Terseiru Síklu husi klase 90 ano, no 120 ano Ensinu Sekundáriu tinan 2021 nian.

Atividade impresaun ba pontus ezame nasionál ne’e, hahú ohin loron 10 fulan Novembru, no termina iha loron 10 fulan Dezembru. Ezame Nasionál ba 90 ano no 120 ano sei hala’o iha loron 13, to’o 15 fulan Dezembru.

Impresaun matéria ezame ba tinan ne’e nian, Governu deside imprime deit iha Ministériu nian rasik, ne’ebé antes ne’e oferese husi Ajénsia Kooperasaun Internasionál ba Koreia (KOICA-sígla ingles) iha Comoro.

“Impresaun dos pontus ba tinan ida ne’e ita deside hala’o iha sentru impresaun ne’ebé que Ministériu Edukasaun Juventude no Desportu ninia rasik, tanba ita haree katak ita nia kapasidade rekursu iha no ita mós iha backup hanesan mákina kuandu eletrisidade mate ita iha jeradór backup ne’ebé que sufisiente,” hatete, Ministru Edukasaun Juventude no Desportu, Armindo Maia, iha Comoro-Díli, Tersa (09/11).

Governu desidi imprime pontus ezame iha Sentru Arte Gráfika no Impresaun ne’e, hodi hamenus gastu, no Governu mós iha rekursu rasik hodi hala’o servisu sira ne’e.

Koordenadór Gabinete Avaliasaun no Dezenvolvimentu Kurikular, Pedro Ribeiro, garante, prosesu imprime ne’e la’o konfidensialidade no hetan seguransa husi Polísia Nasionál Timor-Leste (PNTL), seguransa husi PAX nomós cámara vijilánsia-CCTV.

“Sufisiente no atu garante katak, ita-nia ekipa ne’e servisu diak atu mantein mós sijílu no konfidensialidade, iha ezame nasionál ita atu garante ida ne’e duni katak, iha funsionáriu sira maske ho númeru ida ne’e ita bele garantia ninia sijílu no konfidensialidade atu labele pasa informasaun ba iha liur no la pertense ba realizasaun ezame nasionál” katak Pedro Ribeiro.Ade


Banner

Foto

Notisia Ikus

Governu adia dikusaun ba pedidu reforma Lere Anan Timur

January 20, 2022
Reuniaun Konsellu Ministru (KM) iha Palásiu Gov...

La atende kontaktu deputadu nian, PPN “hirus” MOP Salvador

January 20, 2022
[caption id="attachment_59069" align="aligncenter"...

CNE seidauk simu lista kandidatura PR

January 19, 2022
[caption id="attachment_59064" align="aligncenter"...

Eis Padre Martinho Gusmão deklara kandidata-an ba PR

January 19, 2022
Eis padre Martinho Germano da Silva Gusmão anú...

Ministru José Agustinho “ameasa” hasai funsionáriu APORTIL 24

January 19, 2022
[caption id="attachment_59043" align="aligncenter"...
1 2 3 683

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker