GMN TV Saude e Educação Munisípiu tolu no RAEOA númeru vasinasaun COVID-19 aas

Munisípiu tolu no RAEOA númeru vasinasaun COVID-19 aas

17 views

Progresu vasina COVID-19 iha territóriu nasionál Timor-Leste hatudu, Munisípiu Covalima sidadaun ho idade 18 ba leten simu vasina COVID-19 doze dahuluk sai klasifikasaun dahuluk, tanba atinje ona porsentu 93.0, Viqueque porsentu 90.7, Díli porsentu 83.4, no RAEOA porsentu 82.3.

Ba territóriu nasionál, sidadaun ne’ebé ho idade tinan 18 ba leten simu ona vasina ba doze dahuluk atinje ona porsentu 76.4 no doze daruak porsentu 51.0.

Ministra Saúde (MS), Odete Maria Freitas Belo, hatete, partisipasaun no kontribuisaun diak husi Munisípiu, Covalima, Viqueque, Díli, no RAEOA persentajen vasina COVID-19 aas.

“Hanesan ita hotu hatene katak kampaña vasinasaun hasoru COVID-19, iha susesu ne’ebé maka signifikativu iha ita-nia rai, karik loos duni iha Munisípiu balun ne’ebé maka ita tenke luta, ita tenke fó nafatin informasaun atu nune’e bele konvense sira atu mai simu vasinasaun COVID-19,” dehan MS Odete Maria Freitas Belo, ba GMN semana ne’e.

No munisípiu ne’ebé persentajen vasinasaun doze dahuluk ki’ik maka hanesan, munisípiu Ermera porsentu 59.8, Liquiça porsentu 63.1, Bobonaro porsentu 63.6, Aileu porsentu 70.0, Lautém porsentu 70.7, Manufahi porsentu 75.3, Manatuto porsentu 76.5 no Baucau porsentu 80.0.

“Munisípiu ne’e atinje duni, maibé nia atinjimentu ne’e maka ki’ik oan, ida ne’e signifika iha ema balun ne’ebé maka seidauk hakarak atu simu vasina, dala-ruma sira mós tauk atu simu vasina” tenik governante ne’e.

Antes ne’e, Odete hatete vasina ne’ebé fó ba sidadaun ho idade tinan 18 ba leten sei termina iha fulan Novembru nia laran, tanba ne’e husu ba sidadaun ne’ebé seidauk simu vasina tenke hakat ba iha sentru vasinasaun hodi simu vasina.

To’o oras ne’e TL rejista ona kazu konfirmadu COVID-19 hamutuk 19.807, kazu rekuperadu 19.672, kazu ativu 13, kazu foun 3, kazu óbito 122.eni


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker