GMN TV Saude e Educação OJE ba setór edukasaun kada tinan, laiha mudansa signifikativu

OJE ba setór edukasaun kada tinan, laiha mudansa signifikativu

175 views

Rejultadu relatóriu peskiza Civil Society Education Partnership (CSEP) nia hatudu alokasaun Orsamentu Jerál Estadu (OJE) kada tinan ba setór edukasaun laiha mudansa signifikativu.

Relatóriu peskiza ne’ebé CESP iha, hahú husi tinan 2017 to’o tinan 2021 OJE ne’ebé Governu prevee ba setór edukasaun mak husi porsentu 7 to’o 12.

Dadus ne’ebé CESP iha hatudu, iha OJE tinan fiskal 2017 alokasaun OJE ba setór edukasaun hamutuk millaun USD 159, 892,537.00, reprezenta porsentu 10. Husi montante alokasaun ne’e, konsege ejekuta deit millaun USD 128,628,740.00.

Iha tinan 2018 ba setór edukasaun millaun USD 134,993,514.00, reprezenta porsentu 10, no nia ejekusaun millaun USD 114,024,065.00. OJE 2019 ba setór hanesan, nia alokasaun millaun USD 160,937,519.00, reprezenta porsentu, no ejekusaun millaun USD 129,429,284,00.

Ba tinan 2020, orsamentu ne’ebé aloka ba setór ne’ebé hanesan, hamutuk millaun USD 112,723,087.00, reprezenta porsentu 7. Nia ejekusaun millaun USD 107,854,415.00. No ba tinan 2021 nian, Governu aumenta deit ba porsentu 12, ho nia orsamentu hamutuk millaun USD 258,307,929.00, husi montante ne’e konsege ejekuta deit millaun USD 48,568,363.00.

Husi alokasaun ne’ebé ki’ik CSEP konsidera, Governu laiha seriedade resolve problema edukasaun iha nasaun ne’e.

“Ami analiza katak, laiha mudansa signifikativu, tanba alokasaun sempre menus husi komitmentu Governu nian ne’ebé hato’o liu husi (Objetivu Dezenvolvimentu Sustentavel-ODS) númeru 4 dehan atu hasa’e kolokasaun orsamentu ba setór edukasaun ne’e, husi porsentu 15 to’o 20 porsentu, maibé to’o agora la konsege atinje porsentu ida ne’e,” hatete Koordenadór CSEP, José de Jesus, iha Díli, Kinta (11/11).

Nia fundamenta, eskola lubuk iha área remota kontinua hasoru difikuldade barak, menus fasilidade, laiha infraestrutura ne’ebé di’ak no menus rekursu umanu, ne’ebé bele fó impaktu ba kualidade edukasaun iha rai-laran.

Koordenadór Nasionál forum Juventude Marsenalizadu Timor-Leste, Feliciano Soares, hatete, husi tinan 2017 to’o tinan ne’e, juventude porsentu 18 iha territóriu nasionál mak deside la ba eskola, tanba laiha kbi’it finanseiru.

“Ami deskobre katak, joven barak mak para eskola iha dalan klaran kuaze 18 porsentu, ne’e razaun tanba sira laiha orsamentu para atu sustenta sira ba eskola, distánsia uma ba eskola dok, no maske ita-nia lei hatete ona katak, edukasaun husi nível pre-eskolar to’o sekundária gratuitu, maibé infelismente implementasaun la hanesan ne’e. Tanba iha eskola balu ne’ebé menus professores, entaun eskola sira tenke halo konsensu ho inan-aman hodi selu propinas, ne’ebé kada fulan bele dollar 2 bele dolar 3, depende ba konsensu ne’ebé mak iha” tenik Feliciano Soares.

Husi deskobrimentu sira ne’e, sosiedade sivíl ne’e sujere ba Governu atu aloka orsamentu ba setór edukasaun kada tinan iha OJE ho porsentu mínimu 15 no máximu 25, nune’e garante kualidade setór edukasaun iha nasaun foun ne’e.Ags


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker