GMN TV Saude e Educação Rezultadu Ezame Nasional, Estudante 45.143 aprovadu no 473 reprovadu

Rezultadu Ezame Nasional, Estudante 45.143 aprovadu no 473 reprovadu

0 views

Ministru Edukasaun no Kultura (MEK), Fernando Hanjam, anunsia rezultadu ezame nasional ba estudante tinan letivu 2017, total estudante ne’ebé aprovadu hamutuk 45.143 ho porsentu (98,96) enkuantu sira ne’ebé reprovadu hamutuk 473 ho porsentu (1,04).

Ezame nasional ba estudante tinan letivu 2017, ne’e iha fulan outubru liu ba ho diak tebes.

Fernando Hanjam, haktuir, Ezame Nasionál, ba tinan 2017, ne’ebé realiza iha loron 23 to’o 25 fulan Outubru tinan 2017, iha eskola hotu iha Timor-Leste ne’ebé inklui alunus sira husi 9 ano husi Ensinu Báziku no 12 ano husi Ensinu Sekundariu Jeral no Tekniku Vokasional.

“Total alunus inskritu rihun hat-nulu resin atus hat rua nulu ba ezame, partisipa iha ezame ne’e 45.616  (porsentu 96.20) no la partisipa rihun 1.804  (porsentu 3.80) maske sira nia naran konta, hetan aprovasaun 45. 143  (porsentu 98.96) no reprovadu 473 (porsentu 1.04)” Deklara Ministru Edukasaun no Kultura, Fernando Hanjam, ba Jornalista sira iha Salaun enkontru Ministeiru Edukasaun, Vila Verde, Tersa (12/12/2017).

Nia afirma, ba alunus sira iha Ensinu Báziku, 9 ano, inskritu nia total maka 28.412  no partisipa iha ezame 27.353  ho (porsentu 96.28), sira la partisipa maka, 1.804 (porsentu 3.72) maske sira nia naran konta, no hetan aprovasaun 27.075  (porsentu 99,90) no reprovadu 278 ho (porsentu 1.10). No ba Ensinu Sekundáriu Jerál total alunus inskritu iha ezame ne’e maka 17.011 no partisipa iha ezame ne’e 16 .408 (porsentu 96.45) sira la partisipa maka 603 (porsentu 3.55) no hetan aprovasaun  16, 244 rihun (porsentu 99) no reprovadu  164  (porsentu 1).

Iha nível Ensinu Sekundáriu Tekniku Vokasionál total alunu inskritu 1,997, no partisipa iha ezame1.855 (porsentu 92.88), sira la partisipa maka 142 (porsentu 7.12) maske sira inskritu, no hetan aprovasaun 1.824 (98.32%) no reprovadu 31 (1.68%).

“ Rezultadu ba estudante sira ne’ebé reprovadu ká la liu, hanesan sasukat ida ba ita atu hadia, iha tinan oin mai bele ultrapasa ho buat hirak ne’e, tamba ne’e  ami espera katak, se la akontese asaun sira ne’ebé mak la hanoin ká la espera to’o ba iha ne’eba, i hau fiar katak, hau nia alunus ho sira nia familia hotu hotu hamutuk, tenki simu rezultadu ho konsiensia ba realidade ne’ebé mak iha dadauk no ministeriu edukasaun sei mantein toma responsabilidade ba buat hirak ne’e hotu ” akresenta Fernando.

Nia salienta, estudante hirak ne’ebé tuir ezame nasional, iha estudante barak mak hetan klasifikasaun, no primeiru lugar ba ezame nasional ne’e, hahú Ensinu Báziku Munisípiu Liquiça EB. Sto.Inacio Loyola Pimeiru Lugar, no Ensinu Sekundariu Siensia Teknologia Baucau Primeiru Lugar husi Eskola Ensinu Sekundariu Jeral Santo Antonio  Senior Baucau, no ikus  nafatin okupa iha Siensia Sosiais no Humanidade Eskola Sekundariu Jeral Santo Antonio Baucau.Oly


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker