Ministeriu Edukasaun Juventudi no Desportu(MEJD) kompleta ona koreksaun ba ezame nasional tinan ne’e no sei anunsia aban (Kuarta-Red) loron 5 fulan Dezembru tinan ne’e.
“Rezultadu ezame nasional sei anunsia iha dia 5, dia 5 ita atu halo anunsiu signifika katak ami kompleta ona ami nia servisu ”, informa Ministra Edukasaun Juventudi no Desportu, Dulce de Jesus Soares, ba jornalista sira hafoin akompanha ho autoridade lokal Suku Fatuhada no Diretur Edukasaun Munispal Díli inaugura salaun profesor 10 dezembru Comoro, Segunda(03/12/2018).
Hatan konaba profesor kontratadu no reklamante ne’ebé to’o oras ne’e dadaun estatutu seidauk klaru, Dulce hateten, Ministeriu Edukasaun Juventudi no Desportu sei esforsa atu rezolve durante mandatu ne’e.
“Ministeriu Edukasaun iha 4 mil profesores kontratadus, iha mos reklamante seisentus ital, ida ne’e servisu ida ke Ministeri Edukasaun tenki rezolve uluk tiha lai i depois sei hare fali ba oinsa iha futuru i depois de kompleta kuadru pesoal,”esplika Dulce.ías
