GMN TV Saude e Educação MESSK: Orsamentu rekruta formadór lian Portugés la sufisiente

MESSK: Orsamentu rekruta formadór lian Portugés la sufisiente

0 views

Ministru Ensinu Superior Siensia no Kultura, Longuinhos dos Santos, hatete, formasaun lian Portugés ba dosente sira iha universidade privadu sira oras ne’e la’o hela, maibé seidauk sufisiente tanba orsamentu atu rekruta formadór sira la to’o.

“Tinan oin ami hakarak aumenta tan profesór lian Portugés, ba kada ensinu superior sira iha profesór Portugés ida”, dehan Ministru Ensinu Superior Siensia no Kultura, Longuinhos dos Santos, ba jornalista sira, Tersa (10/12/2019) iha kolmera Díli.

Ministru Ensinu Superior haktuir, maibé sei hare tanba sei iha redusaun ba orsamentu ne’ebé grudual tebes, ne’ebé sei afeita ba prosesu atividade formasaun lian Portugés ba dosente sira iha ensinu superior privadu sira.

“Formasaun lian Portugés ba dosente sira sei kontinua to’o tinan 2023, hodi hetan rezultadu melhor ba ensinu superior sira nune’e bele utiliza lian ofisial sai hanesan lian instrumentut ba ensinu superior nian”, dehan Longuinhos dos Santos.

Nune’e mós reitor Institute of Busniss (IOB) Augusto Soares hatete, formasaun lian Portugés ba dosente hamutuk 23 oras ne’e lao hela no bele dehan sira to’o ona iha nível 2 ou 3.

“Iha duni progresu tanba profesór ne’ebé fo formasaun destaka husi Ministériu Ensinu Superior mak fó formasaun ba dosente sira iha IOB, no ami espera formasaun ne’ebé se bele kontinua nafatin”,tenik nia.

 Iha fatin hanesan, reitor UNPAZ Aldo Amaral hatete, iha tinan hirak liu ba UNPAZ hetan subsidiu husi Ministériu Ensinu Superior hodi fó formasaun ba dosente sira, maibé iha tinan ikus ne’e subsidiu para nune’e UNPAZ la kontinua formasaun ba dosente sira.

“Iha UNPAZ responsabiliza rasik orsamentu, hodi buka formadores iha pais CPLP atu fó formasaun ba dosente sira iha UNPAZ  liu-liu kona-ba lian Portugés rasik, no prosesu aprendizajen iha UNPAZ dosente sira hanorin uza hotu língua 4, tetum Portugés ingleza no melayu maibé depende ba estudante familiar liu ho lian ida ne’ebé, nune’e dosente sira bele halo esplikasaun uza lian estudante bele komprende,”haklean nia. Fel


Banner

Foto

Notisia Ikus

PPN: Singapura rejeita TL adere ba ASEAN ne’e normál

August 5, 2021
Prezidenti Parlamentu Nasional (PPN) Aniceto Gut...

FRETILIN husu Governu hadi’ak implementasaun SB

August 5, 2021
Bankada FRETILIN, sujere Governu atu avalia impl...

Governu laiha kapasidade ezekuta OJE

August 5, 2021
Deputada bankada CNRT, Bendita Moniz Magno, kons...

Kevin Blackstone la kontente husik TL

August 5, 2021
Embaixadór Estadu Unidu Amérika (EUA), Kevin B...

Governu seidauk rekupera estragu sira husi DN

August 4, 2021
Parlamentu Nasionál (PN) kestiona, besik ona fu...
1 2 3 625

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker