GMN TV Saude e Educação MS sei distribui kareta multi-funsaun ba munisípiu sira

MS sei distribui kareta multi-funsaun ba munisípiu sira

0 views

Vise Ministru Saúde (MS) ba Dezenvolvimentu Estratéjiku Saúde, Bonifácio Mau Coli  dos Reis, hateten, Ministériu Saúde (MS) sei distribui kareta multi-funsaun no ambulánsia ba munisípiu 12, inklui Rejiaun Administrativa Espesial Ambeno Oe-Cusse (RAEOA), tanba durante ne’e ambulánsia ne’ebé halo operasaun tula ema moras iha munisípiu sira ne’e avaria hotu.

“Durante ne’e preokupasaun barak mai husi munisípiu, liu-liu ba komunidade sira, tanba ita hatene katak durante tinan 10 ona kareta multi-funsaun sira át hotu ona no ho kondisaun ne’ebé grave tebes, iha tinan ne’e ita konsege tau osan hodi sosa kareta multi-funsaun no mós ambulánsia rua. Oras ne’e dau-daun tama ona no hein atu halo deit distribuisaun ba munisípiu sira, para hodi responde ba prekupasaun ne’ebé durante ne’e komunidade no mós pesoal saúde sira durante ne’e kestiona”, Vise MS ne’e ba jornalista sira iha Palaçio das Cinzas, Caicoli-Díli, Segunda (09-12-2019).

Governante ne’e informa, governu prevé ona orsamentu atu sosa kareta hirak ne’e iha Orsamentu Jeral Estadu ( OJE) 2019, maibé iha tinan 2020 sei propoin hodi sosa tan kareta unidade 20.

Iha fatin hanesan, Diretor Administrasaun Lojístika Patrimónia MS, Francisco Borges, esplika, kareta hirak ne’e ho ninia ekipamentu kompletu, ne’e duni presiza pesoal saúde ho motorista sira tuir treinamentu antes utiliza.

“Kareta refere seidauk bele halo transferensia, tanba kareta ho modelu foun, importante mak tenki fó treinamentu ba ita-nia pesoal saúde sira, liu- liu ba motorista sira oinsa atu halo manutensaun preventiva ne’ebé di’ak ba kareta sira, tanba kareta sira ne’e ho ekipamentu kompletu. Polítika MS ba oin presiza sosa tan kareta multifungsi, tanba sentru saúde ida tenki iha kareta ida, basa agora sentru saúde iha teritoriu laran tomak hamutuk 70, no kareta sira ne’ebé identifika atu entrega ba patrimóniu Estadu hamutuk 30 unidades”, tenik Francisco.

Entretantu total orsamentu sosa kareta hirak ne’e ho montante 800.000 resin, enkuantu kareta ambulánsia maternidade tolu (3) ne’ebé apoiu husi Korea International Cooperation Agency (KOICA) sei halo distribuisaun ba munisípiu Ainaro no postu administrativu Maubisse. eni


Banner

Foto

Notisia Ikus

PM Taur husu sidadun hotu tenke kria paz durante kampaña eleitorál

January 17, 2022
Primeiru Ministru (PM) Taur Matan Ruak apela ba ...

Lú Olo Rekandidata–an ba Prezidente Repúblika

January 17, 2022
[caption id="attachment_58994" align="aligncenter"...

Eleisaun ba PR Sei Realiza iha Loron 19 Marsu

January 17, 2022
[caption id="attachment_58989" align="aligncenter"...

Ema na’in 10 hatudu prontidaun kandidata-an ba PR

January 16, 2022
[caption id="attachment_58967" align="aligncenter"...

Lere sei deklara ninia kandidatura ba PR iha Ainaro

January 15, 2022
Xefe Estadu Maiór Jenerál F-FDTL, Tenente Jene...
1 2 3 681

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker