GMN TV Saude e Educação Profesór 1.200 seidauk simu osan retroativu

Profesór 1.200 seidauk simu osan retroativu

0 views

Ministériu Edukasaun Juventude no Desportu (MEJD) rekoñese to’o oras ne’e iha profesór hamutuk 1.200 mak seidauk simu osan retroativu.

Ministra Edukasaun Juventude no Desportu (MEJD), Dulce de Jesus Soares hatete, oras ne’e iha profesór hamutuk 1.200 mak seidauk simu osan retroativu, maibe sira nia dokumentu hotu MEJD haruka ona ba Komisaun Funsaun públika (KFP) iha fulan Abril tinan 2019, maibé prosesu sei kleur tamba iha profesór barak.

“Ministériu hakerek ona karta ba iha KFP, atu husu karik iha ona progresu ba verifikasaun, tanba ne’e laos desizaun husi MEJD maibe Ministériu atu kompleta deit dokumentu profesór, ne’ebe mak presiza ou rekezitus ruma”, afirma Ministra Edukasaun Juventude no Desportu, Dulce de Jesus Soares, ba jornalista sira Tersa (10/12/2019) iha Vila-Verde Díli.

Ministra Edukasaun ne’e haktuir, MEJD atu kompleta deit dokumentu no rekejitus ne’ebé mak presiza hodi haruka iha KFP, no KFP mak sei halo fila-fali reverifikasaun bainhira informasaun sira ne’e kuandu los hotu, mak KPF direitamente ba iha parol.

Nune’e mós, Diretór Edukasaun Munisípiu Díli, Duarte Braganza, informa, profesór sira ne’ebé mak to’o ohin loron seidauk simu osan retroativu, ida ne’e rekursu umanu no governu sentral nian kompetensia.

“Iha Munisípiu Díli iha profesór balun ne’ebé seidauk simu osan retroativu, tanba ne’e ami husu ba profesór sira atu pasensia no la bele halo manifestasaun, tanba governu hanoin ona atu rezolve osan retroativu profesóres sira nian,”tenik nia.

Husi sorin seluk diretur Edukasaun Munisípiu Liquiça, Zito Antonio hatete, osan retroativu ba profesór sira iha Munisípiu Liquiça, balun simu ona no balun seidauk simu sira nian direitu ida ne’e.

“Ha’u hanoin profesor balun ne’ebé seidauk simu ne’e, ninia númeru ha’u ladun lembra didiak, maibe iha profesor barak mak simu ona sira nian direitu,”salient nia. Fel


Banner

Foto

Notisia Ikus

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...

Governu aprova kriasaun liña kréditu

November 26, 2021
Atu fasilita finansiamentu, ba Empreza Míkro ka...

SEPS husu PN halo revizaun ba LPL tanba halo konfuzaun

November 26, 2021
Sekretáriu Estadu Protesaun Sivíl (SEPS) Joaqu...

Horta husu Governu apoia agrikultór sira

November 26, 2021
Laureadu Nobel da Paz, José Ramos Horta, hatete...
1 2 3 665

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker