ME bandu professores hanorin iha fatin rua

Ministeriu Edukasaun (ME) implementa tiha ona regulamentu ida hodi bandu profesor sira hanorin iha fatin rua, tamba sai funsionáriu públiku tenki hala’o servisu iha 40 horas ba kada semana.

“Ami iha ona regulamentu ne’ebe iha katak, propfessor ida tenki hanorin oras 40 semana ida, no oras restu ne’e  atu halo preparativu tanba funsionariu publiku nia tenki halo servisu 40 oras por semana, wainhira professores ba hanorin part time iha eskola seluk, ami sei la autoriza, informa”, Diretor Geral Planeamentu Parserial Ministeriu Edukasaun (ME), Antoninho Pires, ba Jornalista sira  iha nia knar fatin ME Vila-Verde Dili, Sesta (21/04/2017).

Nia esplika, oras ne’e dadaun ME seidauk identifika, no seidauk iha keisa ruma tama iha ME, karik iha informasaun ruma tama ME labele nonok tenki ba halo verifikasaun.

“Ami seidauk iha identifikasaun no ami seidauk simu keisa ruma kona ba ida ne’e, maibe wainhira rona informasaun hanesan ne’e ami tenki ba halo verifikasaun,”tenik nia.

Tuir DZ ME katak, wainhira professores ne’e,  kumpri tiha nia servisu tuir oras ho regulamentu ne’ebe iha, entaun nia bele ba halao nia servisu iha fatin seluk.

“Sewainhira karik ME verifika mak hetan  professores ruma hanorin iha fatin rua, professores ne’e tenki hetan sansaun, sansaun ne’e mak sansaun tenki loke investigasaun infrasaun dinsiplinar, kuandu loke investigasaun ba infrsaun disipnar ne’e mak hetan nia viola ne’e tenki hetan sasaun tuie lei ne’ebe iha ona,”tenik nia.

Entertantu kona ba profesores  husi INFORDEPE ne’ebe seidauk simu salariu nia rekohese katak, iha duni professores 200 resin mak sira nia salariu tarde.

“Los duni Professores kuaze 200 resin osan salariu tarde uitoan, maibe ami garante katak, fulan ida ne’e sira nia salariu sei simu inklui mos reatrotivu husi janeiru mai to’o abril nian,”nia garante.eni