Labarik 8% hetan moras HIV/SIDA

Sekretariu  Ezekutivu Comissão Nacional Combate HIV/SIDA Timor Leste (CNCS-TL), Daniel Marcal, informa, labarik ho idade minoridade kuaje 8% hetan moras HIV/SIDA, tanba daet husi inan aman.

Husi porsentu ne’e labarik ho idade 15 anos 3% no  bebé ho idade tinan 5 to’o zero 5%. “Ha’u haree iha labarik  ho idade 15 anos iha tres porsentu (3%), depois kikoan liu mos iha mais ou menus 5%, tanba  iha ita nia inan balun iha HIV pozitivu mak isin rua buat sira  ne’e hotu,”informa Daniel Marcal ba jornalista sira iha Ministeriu Administrasaun Estatal (MAE), Colmera, Tersa (25/4/2017), hafoin hala’o sorumutu ho Diretor no Funsionariu Ministru Administrasaun Estatal kona ba oinsa prevene moras HIV/SIDA.

Daniel Marcal haktuir, labarik ho porsentu refere husi total moras HIV/SIDA 642.

“Númeru ne’e hahú husi 2013-2017 hamutuk 642, husi númeru ne’e mate 80, hetan tratamentu 200 ital no 362  iha uma deit tanba problema stigma no diskriminasaun, ema tauk, ema moe,”dehan nia.

Daniel afirma, husi númeru refere mane hamutuk  300, feto hamutuk 212.

“Dadus ne’e ita bele hetan tanba iha koordenasaun ho MS, no MS  foti dadus ne’e iha baze  ne’ebé sira husi Munisipiu sira  update mai ha MS  depois MS fo ba komisaun para lori ida ne’e hala’o kampaña  hatoo ba publiku,”Daniel Marcal fundamenta.Ola