PROFISSIONAL SAÚDE LA BELE HALIS BA POLITIKU SIRA

Primeiru Ministru (PM), Rui Maria de Araújo, husu ba professional saúde tenke servisu ho imparsial no la bele halis ba politiku sira.

“Ita garantia sustensablidade lori servisu pessoal saúde no mos mediku sira, maibe laos lori politiku sira, tanba ne’e professional saúde ida-idak hala’o  nia funsaun, politiku apoiu estratejiku hanesan apoiu makro,” informa PM Rui Maria de Araujo iha nia diskursu hala’o workshop inovasaun iha Ministeriu Saúde, Kuarta (23/8/2017). Se wainhira professional sira implementa programa haree ba partidária, tuir PM Rui Araújo, servisu sei la avansa ba oin.Tanba Nasaun abansa ho tekniku sira nia kontribuisaun  hodi nakloke ba ema hotu  laos tanba politika nain sira. Xefi Governu  husu ba pessoal saúde ho mediko sira labele moe atu aprende, tanba moe atu aprende  oinsa mak bele la’o ba oin.

Atensaun ba saude komprensiva

Husi sorin seluk, PM Rui Araújo, husu ba pesoal saude hotu atu implementa programa saúde ba família  fo  atensaun ba pontu tolu hanesan  saúde komprensiva, komponente saúde publika atensaun primaria no komponente hospitalária Instrumentu  liga buat tolu ne’e mak bolu dehan E-  Health “Ita  Uja família hanesan atensaun primaria maibe ita hakarak Timor leste ne’e fokus iha família sai komponente tenke atensaun ba família,” esplika PM Rui Araújo. Nia esplika, prosesu utilizasaun sistema digital saúde ba  família hala’o ona, maibe saidauk kompleto iha kestaun balun presija esklarese, liu liu prespetiva ema ne’ebé dezeña sistema dijitalizasaun “Hau hakarak atu reitera, ba pontu sentru detensaun presija ema ne’ebé iha assistente medika hanesan komplementu, Prosesu despensializasaun resjistu saúde eletroniku ita hala’o iha kontestu atu lori saúde ba família hotu hotu ba Timor Leste. Tanba  ho  teknolojia moderno bele muda no halo servisu diak diak  liu tan, laos deit ida ne’e, ajuda liga atensaun primaria ho kuidadu hospitalária  taka sirkulu “Ita atensaun ba sistema E-Health no  haluha pasiente tanba ne’e tenke fo  atensaun E-heailth hanesan komplementu ba ida ida ne’e prosesu komplementu,” hateten Rui Maria de Araújo. ety