Luis Lobato: Hahan pasiente iha HNGV laiha nutrisaun

Foto:Google

Vise Ministru Saúde ,Luis  Lobato,  konsidera hahan ba Pasiente sira iha Hospital Nasional Guido Valadares (HNGV) , la tuir standarte menu nutrisaun tamba nee nia parte husu ba kompañia fornesedor hahan atu troka menu.

Vise Ministru Saude  Luis Lobato ,identifika  problema  ne’e  Iha nia vizita , iha Kuarta (28/2) iha Hospital Nacional Guido Valdares, Dili.

Iha Visita nee Vise Ministru Saúde mós hakat kedas ba hospital nia dapur , no konsege identifika  problema balu , hanesan koziña  sira  fahe  hahan  pasiente  lá  uza  kanuru  no  kopu, pior  liu mak  modo  la  tuir  estandarte  menu  nutritivu.

Nia  lamenta  ho problema  ne’e , no  haruka  kompaña  atu  troka  menu  hahan  ba pasiente  sira  , ne’ebé  nia  konsidera laiha  mudansa.

“Hau  mai  visita  HNGV  ba  daruak  ona  ,maibé  laiha  mudansa,  hau  mai dala  2  koziña  sira  fahe  hahan  pasiente  la uza  kanuru  ho  kopu ba  pasiente  sira  pior liu mak  modo,  hahan  la  tuir  estandarte  menu  nutrisaun,  hau  husu  ba  kompañia  tenki  troka  no  halo  mudansa  ba  kestaun  ne’e”, ejiji Vise Ministru Saude  Luis Lobato.

Tuir  nia,  Governu  fó  hahan  laos  ema  sira  iha  uma  hahan  laiha, lae, sira mos tamba  ne’e    kompañia  tenki  fó  hahan  diak ba  pasiente  no  servidor  hospital  sira  ho  dignu.

“Governu  fó hahan  ba  ema  ,laos  ema  sira  ne’e  nia  hahan  iha uma laiha , iha  hotu  ,tamba  ne’e  tenki fó  han  ema ho  dignidade,  la’os  tein  fós  maran  tau  tempe  ou tahu  maran  no  nan  pedasuk oan  ida  fó han  ona  ba  pasiente  sira,  ne’e  saída  mak ne’e”, lamenta Vise  Ministru  Saúde.

Nia realsa kompañia   manan  projetu  hodi  fó  oferese  hahan  ba  pasiente  sira  iha  hospital  tenki  ho  dignidade  no  tuir  estandarte  menu  nutrisaun  ,tamba osan  ne’ebé  mak   Ministériu  Saúde  sita iha  kontratu  ho  folin  $ 8.00  ,maibé  kompañia  Manipula  hodi hatun  ba  folin  $  5.00.tos