Eskola Lere Anan Timur Lospalos menus sala de aula

Koordenador Eskola Sekundaria Jeral Lere Anan Timur, Reinaldo J. da Costa, hatete, Eskola Sekundaria Jeral Akumula Estudante hamutuk 952 maibe sala de aula menus, no kondisaun eskola refere grave no tuan ona.

“Kondisaun Infrastrutura liu liu ba edifisiu no sala de aula Eskola  Sekundaria Jeral sei menus tebes, Governu Timor Leste foin mak konstrui edifisiu foun rua iha tinan 2015 liu ba, no restu ami sei uza hela eskola Baziku Sentral Kuluhun nian, iha mos edifisiu tuan, ne’ebe edukasaun atribui mai ami, ne’ebe mak agora dadauk kondisaun edifisiu ne’e grave tebes ne’ebé nunka hetan rehabilitasaun,”dehan Koordenador Eskola Sekundaria Jeral Lere Anan Timur Lospalos foin lalais ne’e (18/04/2018 ) iha Munisípiu Lautem.

Nia dehan, eskola kontinua halo manutensaun kiik, maske nune’e la bele rehabilita tomak, no dala barak eskola ne’e halo proposta ba Ministeriu Edukasaun, maibe to’o agora seidauk hetan  rezultadu,  Ministru Edukasaun ne’ebe troka malu hala’o ona vizita ba eskola ne’e, iha mos fulan kotuk liu, aktual Ministru Edukasaun  halo vizita mai eskola ne’e, haree rasik kondisaun, husu diretiva eskola nian, atu koalia hamutuk inan aman bele buka solusaun imediata bazeia ba situasaun real ne’ebé la’o dadauk.

Tuir nia, eskola konvoka enkontru ho Asosiasaun Pais e Professores (APP) no esnkontru ne’e ina aman sira fo kontirbuisaun diak, sira rasik hakarak kontribui ho osan oituan, atu halo rehabilitasaun emediata, ne’ebe iha montante kontribuisaun inan aman sira fo , hodi halo rehabilitasaun ba eskola ne’e, ba estudante ne’ebe inan aman la iha hotu ona sei la fo, no ba estudante ne’ebe inan aman ida mak mate  sei kontribui 5 dollares, no ba sira ne’ebe inan aman kompletu  sei hatama 10 dollares no ba Professor sira mos halo kontribuisaun hama osan 10 to’o 20 dollares.

“Eskola ne’e mak inan aman sira la kontribui eskola ne’e para kedan iha tinan kotuk, tamba eskola sekudaria jeral ne’e la hetan orsamentu apoiu konsensaun eskolar husi Governu desde tinan kotuk, husi Fulan Jullu tinan 2017 to’o agora” dehan Reinaldo.Oly