Klinika Bairo Pite mantein klínika privadu

Diretór Klinika Bairo Pite Dr. Daniel Murphy hateten , Klinika ne’e sei mantein pozisaun  sai  klinika  privadu no garante sei  hetan  apoiu orsamentu  husi  doadores nunee klinika nee kontinua funsiona ba oin.

Diretór  Klinika  Bairo Pite  Daniel  Murphy ,hateten , klinika Bairu Pite loke  iha  tinan  1999  hodi  fó  tratamentu  ba  pasiente  ho  moras  oin-oin, tanba ne’e Dr. Daniel, garante  katak ,  klinika ne’e sei  hetan  apoiu   fasilidade  saúde  no  orsamentu  balun husi  nasaun  Korea , Australia ,  Japaun   no  Portugal.

“Mate  ka  moris  klinika  Bairo Pite  sai  nafatin  klinika  privadu  ,tamba  sei  hetan  apoiu husi  doares,  partidu balun, inklui  Governu  ,tamba  klinika  ne’e  loke  iha  tinan  1999  okupasaun Indonesia  hodi  fó tratamentu  ba  povu Timor-Leste  ho moras  HIV/SIDA,TBC, Ispa,Kulit no sira  seluk tan” Diretor Klinika Bairru Pite Dr. Daniel Murphy hatete ba JNdIARIO iha  nia servisu  fatin  Bairu Pite  Segunda  (16/4).

Daniel Murphy  hatutan  bainhira  klinika Bario Pite ne’e  enfrente krize finanseiru iha fulan hirak liu ba , movimentu solidariedade salva klinika ne’e hala’o asaun solidaridade no konsege hetan  liu husi  kaixa  kontribuisaun  ho  total  orsamentu  dolar amerikanu 20.000.

Diretór Klinika Bairro Pite nee hatutan orsamentu hirak ne’e   seidauk  sufisiente, tamba  vensimentu  ba  funsionariu  iha  fulan  rua  liu ba  seidauk  selu.

Antes ne’e , Governu liu husi Ministru  Saúde, Rui Maria de Araujo, hateten , Governu apoiu  klinika Bairro Pite iha parte teknika liu-liu oferese profisionais saude atu fasilita hodi halo konsulta ba pasiente sira.

Goverante nee mos koalia konaba orsamentu , responsabilidade klinika ne’e liu husi ninia organizasaun sira.

Oras  ne’e  dadaun  pesoal  saúde  ne’ebé  halo atendimentu iha klinika bairro Pite hamutuk 83  ho  voluntariamente.tos