Moras 3 domina iha HR RAEOA

Hospital Referal (RR) Rejiaun Administratrivu Especial Oecusse-Ambeno (REAOA) rejista moras 3 mak domina komunidade sira, kompostu husi moras Ispa, malaria ho diareia.

Administrador HR RAEOA, Manuel da Costa hateten, husi tipu moras 3 ne’e, ispa mak numeru primeiru, tuir malaria no diareia.

“Moras Ispa mosu, impaktu mai husi mudansa klimatika, signifika, udan tau depois rai maran hamosu rai rahun maka’as,” informa  Manuel da Costa ba Jornalista sira iha HR RAEOA, Kinta (05/04/2018).

Kona ba aimoruk, nia dehan, la ihas problema tanba nia parte iha kooperasuan diak tebes ho SAMES,  mesmu dala balun akontese stop out.

“Hospital referal ne’e antes sempre hasoru difikuldade kona ba bee mos, tanba depende ba foho, ne’ebe kuandu udan ho volume maka’as akompaña ho anin deficil tebes atu fornese bee ba hospital, tanba kanalizasaun falha, iha tempu bailoron hetok deficil liu tan, tanba debit bee mos menus, maibe dadaun ne’e diak ona, tanba iha ona bee matan rasik no hetan tan ajuda husi Banko Dezenvolvimentu Aziatiku,” Manuel da Costa hateten.

Rekursus humanus ne’ebe halao knar iha HR RAEOA hamutuk nain 110, mediku jeral nain 90, Parteira hamutuk 13, infermeiru 19, analista nain 8, ida husi Cubano, medika especialista iha misaun rua, misaun ida husi brigada, no seluk non brigada, brigada hamutuk 11, non brigada hamutuk nain 7 ne’ebe hetan kontratu husi ZEESM. Servisu ex-rey nain 4, rua Timoroan, 1 Cubano no 1 Coreano.

Hospital Referal ne’e hetan manutensaun husi ekipa manutensaun husi Coimbra-Portugal ka bele dehan servisu utilizasaun komun hospitais, ekipa ne’e halo manutensaun ba hospital, hanesan ekipamentus medikus, elektrisidade, bee, no mortuario. mia