Ministeriu Saúde husu inan aman lori oan ba vasina prevene moras difetaria tetanus

Diretora  Servisu  Saúde  Munisipiu  Dili,  Agostinha  Segurado,  husu  ba  inan  aman  atu  lori  oan  sira  ho idade  tinan  6  mai kraik ba  vasina  hodi  prevene  moras  Difteria  tetanus.

“Hau  husu  ba inan  aman  sira  atu  lori oan sira  ba  hala’o vasina iha  eskola  no  sede  suku  ,atu  prevene  labarik  ho idade  tinan  6 mai kraik  husi  moras  Difteria  tetanus, tamba  moras  ne’e  bele halo  labarik  sira nia  kakorok, kabun  laran sai toos  ,susar atu tolan, muskulu sai  to’os  no  istika an, isin manas  no kosar” , hatete Diretora  Servisu  Saúde  Munisipiu  Dili  Agostinha  Segurado,  ba JNDiario  iha  eskola  Bazika Filial  China iha Bairu Formoza Dili.

Tuir diretora Servisu Saude Munisipiu Dili katak moras  tetanus  ne’e  mai husi bakteria  no afeitadu, bainhira liu husi  kanek  no  dala  barak  kona bebe, bainhira  tesi bebe  nia husar  iha  tempu  tur  ahi.

Agostinha  Segurado haktuir katak   sintoma  ba  moras  tetanus  ne’e  hahú iha loron  25  nia  laran,  ibun  ka  mandibula   kakorok, kabun  laran sai toos  ,susar atu tolan, muskulu sai  to’os  no  istika an, isin manas  no kosar.

Atu  prevene  moras  Difteria  tetanus  ne’e  Diretora Servisu  Saude  Munisipiu Dili   fó  advokasia  ba  professor  no  autoridade  lokal  sira  atu  pasa  informasaun  ba  komunidade  atu  lori sira nia oan  ba  vasina  iha  eskola  no suku  sira.

Iha  fatin hanesan  Adjunto  Diretor  EBC  Darlau, posto administrativo Cristo Rei,  Marcos  Lopes  Mendonça, konsidera    Programa  implementasaun  vasina  ne’ebé Servisu  Saude  Munisipiu Dili  hala’o    iha  eskola  ne’e,  diak  tebes, tamba  sei  hadok  labarik sira  husi  moras  Difteria  tetanus.

Tuir  dadus  Servisu  Saude  Munisipiu Dili  hahú  iha  tinan  2009  mai to’o ohin loron seidauk  iha  labarik  mak  sofre  moras  Difteria  tetanus.tos