Vise MS preokupa Sentru Saude Laleia nakonu ho foer

Vise Ministru Saude, Luis Maria Lobato, preokupa ambiente Sentru Saude Laleia, Posto administrativu Lalei, Munisipiu Manatuto ne´ebe nakonu ho foer, maske iha kliner no profesional Saude ne´ebe halao hela sira nia servisu iha Sentru Saude ne´e.

” Hau mai vizita Sentru Saude 2 iha Laleia no Vemase, iha mensajem 2 ne´ebe hau hetan iha Sentru Saude Laleia iha kondisaun fizika diak, Infrastrutura diak maibe falta manutensaun”, dehan Vice Ministru Saude, Luis Maria Lobato, ba JN-Diario, foin lalais ne´e iha Postu-Admistrativu Vemase Munisipiu Baucau.

Vise Ministru, haktuir Sentru Saude ne´e nakonu ho foer, Labadaen iha uma kakuluk, Barata mate iha armari laran no Laho mos barak, ida ne´e hatudu katak Profesional sira la hadomi sira nia servisu fatin, tanba ne´e nia parte fo ona orientasaun ba profesional saude sira atu bele hamos Sentru Saude refere.

” Hau husu atu sira tenke hamos hotu fatin Sentru Saude ne´e tanba komunidade ne´ebe moras mai atu halo tratamento ba diak, laos mai halo tratamento pois ita servisu iha foer nia laran ida ne´e bele aumenta mos moras ba pasiente sira,” dehan Luis Maria Lobato.

Governante nee, akreseta Profesional Saude sira bainhira atu hahu halo servisu tenke hamos uluk sala iha Sentru Saude laran no depois atu fila uma tenke hamos tan hodi nune´e Sentru Saude ne´e bele mos atu pasiente sira mai mos simu tratamento ho diak. Fel