OMS entrega motorizada 65 ba MS hodi halao programa Saúde Familia

Organizasaun  Mundial Saúde (OMS)  entrega  motorizada  65  ba  Ministeriu Saúde (MS), hodi  fasilita  programa  saúde  na familia  iha  sentru saúde  65 iha timor laran tomak.

Vise  Ministru Saúde,  Luis Lobato, hatete  motorizada  ho tipu  Megapro  husi Organizasaun    Mundial Saúde  ne’e,  atu  apoiu   servisu  programa saúde  na familia  iha  area  rural.

Governante nee hatutan tan katak durante vizita programa saude na familia hetan problema prinsipal neebe ekipa programa nee hasoru mak transporte.

Vise Ministru Saúde nee hafoin simu xave no kapasete motor   husi  Reprezentante  Organizasaun Mundial Saúde   Sudath Peiris  , nia parte husu  ba  pesoal  saúde sira  atu  utiliza  motorizada  hirak ne’e  ba  servisu  programa  domisiliariu  saúde  na familia , no labele  uza  transporte  ne’e  ba  privadu.

“Hau  apela  no husu ba  pesoal  saúde  sira  katak,  motorizada  ne’e  Ministeriu Saúde nian  laos  fó apoiu ba ema pesoal ,maibe  apoiu ne’e  atu fasilita  servisu  programa saúde na familia  iha area rural  nune’e hau  husu ba pesoal saúde  sira  labele utiliza  motor  ne’e  atu sai ninia privadu fali”,  hatete Luis Lobato ba Jornalista sira, Segunda – feira nee iha Ministeriu Saúde.

Vise Ministru Saúde mos esplika motorizada 65 nebe atu fahe ba Sentru Saúde  total  orsamentu  US$ 140  Mil. No motor hirak nee tuir  planu  Ministeriu Saúde nian sei distribui ba Sentru Saude sira iha loron 19, fulan nee. Tos