Eis  Ministru ESTATAL, Deonisio Babo, hatete  VIII Governu  Konstitusional  sei  fó apoiu  nafatin  orsamentu  ba  Komisaun  Nasional Kombate  HIV/SIDA, hodi  dezamina  informasaun  ba  juventude  sira  hodi hadok an  husi  moras  HIV/SIDA.

Eis Ministru  ESTATAL,  Deonisio Babo ,hafoin partisipa  kampaña  HIV/SIDA iha  resintu  Science of  Life  System  ( SOLS) Becora Dili katak, VIII  Governu  Konstitusional  fó atensaun  maximu  ba  asuntu  refere,  tamba   Virus  HIV/SIDA  sai  ameasa  bo’ot  ba  nasaun  Timor-Leste, liu-liu  risku  ba   juventude sira  ne’ebé  sai  rekursu  forte  iha futuru.

“Uluk  hau mos responsavel  ba servisu  konaba  prevensaun  no kombate HIV/SIDA agora  virus  ne’e  daet  ba  juventude  ho idade  tinan 15  ba leten  ,tamba ne’e  prevensaun ba HIV/SIDA ne’e  importante tebes  ,Governu  desde  iha 2013  halo tiha ona  dekreitu lei ida  ba estabelesimentu  ba  Komisaun  Nasional  Kombate  HIV/SIDA  sira  halo  servisu  kapas tebes  ,tamba  tama sai  munisipiu to’o suku no bairu  hodi desimina informasaun  virus HIV/SIDA” Eis Ministru  ESTATAL  Deonisio Babo ,hatete  ba Jornalista sira  iha  resintu  Science of  Life  System  ka SOLS Becora Dili.

Iha fatin  hanesan  Koordenador  Apoiu  sosiedade  Sivil iha Gabinete  Primeiru  Ministru,  Joaquim Freitas, apresia  servisu  Komisaun Nasional Kombate  HIV/SIDA  ,tamba  ho sira  nia  sosializasaun  iha  munisipiu  to’o  suku  ne’e  bele  hadok  juventude  sira  virus  HIV/SIDA.

Diretor  Ezekutivu  Komisaun Nasional Kombate HIV/SIDA,  Daniel Marçal , husu  ba  juventude  no inan aman  sira  atu  hadok  an husi  seksu  livre,tamba  virus  HIV/SIDA  daet  liu husi  relasaun seksual.

Tuir dadus  Ministeriu  Saúde  katak,  númeru  ema  ne’ebé  afetadu  moras  HIV/SIDA  aumenta  ona  ba  725,  no  280  mak  hala’o hela  tratamentu   inklui  hamate ona  ema  92  ho  idade  reprodutivu  ne’ebé  hahú  tinan  15  to’o  35.tos