Tusan TL iha Óspital Dr. Soetomo USD 11.000

Ministériu Saúde (MS) rejeita hodi la konkorda katak tusan iha Hospital Dr. Soetomo Surabaya Repúblika Indonézia (RI) ho montante RP 410 juta, maibe iha deit RP 161 juta no baku ba dollar hamutuk USD 11.000.

Diretor Nasional Diresaun Nasional Servisu Óspital no Emerjensia  (DNSHE) Horacio Sarmento hatete, dívida ne’e mai dezde tinan 2012 husi fulan Jullu to’o tinan 2013 ne’ebé parte ospital Soetomo halo  pedidu pagamento mai MS hamutuk   IDR 2.2 miliar.

“Maibe ami verifika hetan deit IDR (Indonesian Rupiah) 1,9 miliar  no tama ba tinan 2016 ita konsege selu IDR 1,374,657 miliar, dadaun ne’e ita seidauk selu mak hela deit dolares rihun 11 (RP161 juta), laos IDR410 juta”, deklara Horacio  ba jornalista iha nia servisu fatin Caicoli,  Segunda (10/12).

Horacio haktuir, dadaun ne’e sira prosesu ona atu selu dívida ne’e rihun $11  (IDR161)  iha tempu badak nia laran osan ne’e   belé  tama ona iha sira nia konta bankaria.

“Tuir planu tinan oin ekipa ita sei halo rekonsiliasaun ho sira hodi verifika sira nia numeru konta bankaria hodi transfere osan sira ne’e para sira labele kestiona, kuando transfere ona mak sir nafatin kestiona ami sei haruka ekipa ida halo fali verifikasaun hodi hatene  lolos dívida sira ne’e hira los,’’ koalia Horacio.

Antes ne’e Vise Diretor Jeral Óspital Dr. Soetomo, Endang Damayati, hatete ba Jornalista GMN iha Surabaya, Indonésia, katak,  sira sei iha dívida ho montante IDR410 juta ne’ebé Governu Timor-Leste seidauk selu husi tinan 2013 to’o 2017 ligadu ho pasiente Timor-oan sira ne’ebé transfere ba hodi halo tratamentu iha Óspital refere.ety

Leave a Reply

Your email address will not be published. Required fields are marked *