PN kestiona kordenasaun Ministériu Edukasaun-UNTL

Parlamentu Nasional (PN) kestiona relasaun servisu entre Universidade Nasional Timor Lorosae (UNTL) ho Ministru Ensino Superior Ciência Cultura (MESSC), relasiona kandidatu Estudante atu asesu ba UNTL ho Rejime Espesial.

Deputadu Joaquim dos Santos hatete Universidade ho Ministeriu Edukasaun la konsege halo koperasaun problema ida ne’e, rasaun fundamental maka saida fatin maka lato’o, dosente maka laiha ga, ou buat seluk tan.

“Ita tenki haree kona ba asuntu ne’e semak iha kompetensia liu atu diside, Ministru ou Reitor, tanba ne’e ita persiza rona husi parte Governu no UNTL nian kona substansia lolos husi asuntu ne’e,” dehan Joaquim dos Santos iha PN, Tersa 26/02/2019.

Hatan ba preukupasaun ne’e, Ministru Ensino Superior Ciência Cultura, Longuinhos dos Santos, hatete parte governu sempre iha liña kordenasaun nebe masimu, ezemplu hanesan enkontru nebe realiza kada semanál, liña kontaktu, karta formal ne’e hatudu katak iha liña kordenasaun nebe diak.

“so que dezisaun nebe foti tenki supervisiona, liu liu kona ba lei no kriteriu nebe iha hanesan UNTL nia tenki submete ba Governu, agora Ministeriu Edukasaun liu husi Ministru Ensino Superior Ciência Cultura nunka iha hanoin atu limiti ba timor oan sira nebe hakarak asesu ba iha UNTL, maibe kestaun maka ne’e iha ka lae nia kondisoens liu liu konaba sala aprendeziazen, laboratorium, biblioteka no fasilidade seluk tan,” dehan Longuinhos.

Governante ne’e dehan objektivu prinsipal husi Oitavu Governu liu husi Ministru Ensino Superior Ciência Cultura atu haree liu kona ba kualidade. nes