KM entrega ba UNTL no MESCC rezolve lista estudante RE

Reuniaun extraordinariu Konselhu Ministru (KM), Tersa (12/03) deside hodi intrega hikas lista kandidatu estudante  Rejime Espesiál (RE) ba  Universidade Nasionál Timor- Lorosa’e (UNTL) hodi konvoka ho Konsellu Jerál UNTL atu solusiona problema nee.

Ministro Presidência Conselho  Ministros, Agio Cabral Pereira, hatete, tuir estatutu iha UNTL problema sira hanesan ne’e UNTL mak tenki konvoka reuniaun ho Konsellu Jerál UNTL nian hodi solusiona problema refere, tamba ne’e Konsellu Ministru deside entrega fali lista kandidatu estudante rejime espesial ne’e ba UNTL hafoin ne’e mak UNTL ho Ministeriu Ensinu Superior Ciencia no Kultura  halo desizaun koletiva.

 “Ohin reniaun extra ordinaria Konsellu Ministru sei la foti desizaun ,tamba lei preve iha ne’ebá liu-liu estatuto UNTL nian fo hikas ba UNTL atu bele konvoka ho Konsellu Jerál iha UNTL hafoin hato’o ba ME atu foti desizaun koletivamente ,tamba desizaun laos mai husi UNTL, maibe UNTL ho Ministro do Ensino Superior, Ciência e Cultura (MESCC)”, dehan Ministro Presidência do Conselho de Ministros  Agio  Cabral Pereira,ba Jornalista sira, hafoin reuniaun  iha Palasiu Governu.

Longuinhos : UNTL garante, laiha problema

Entretantu Ministru Ensino Superior  Ciência no Cultura,  Longuinhos dos Santos, preokupa bainhira UNTL akumula hotu estudante 7000 resin ne’e bele garante kondisaun ba estudante hirak ne’e ka la’e, liu liu liga ba fasilidade no rekursu humanu.

 “Hau dosente mai husi UNTL rasik no hatene kondisaun UNTL muito bem ,tamba ne’e hau preukupa  tebes, ho kualidade ,fasilidade ,maibe ema hotu-hotu hatete katak, ita tenki simu estudante hotu ho dignu nune’e ita tenki simu ita nia oan,alin sira tuir prosesu aprendizazen ho kondisaun diak, Numeru estudante ne’ebé mak bo’ot fo hanesan ministru, Governante hau preukupa ,maibe desizaun konsellu jeral UNTL garante fasilidade,rekursus humanus ne’e la preoblema ,maibe Governu sei superiviziona ‘’ Ministru Ensino Superior  Ciência e Cultura  Longuinhos dos Santos,informa.

Antes ne’e Ministru Reforma Legislativu no Asuntu Paralamentares Fidelis Magalhães, kria ona enkontro ho parte UNTL no Ministeriu Ensinu Superior atu solusiona problema refere, maibe la hetan solusaun nune’e kontinua lori ba Konsellu Ministru no ikus mai Konsellu Ministru mos entrega hikas fali ba UNTL.tos