Prosesu aprendizajen la’o tarde, UNTL ho MESSK tenke buka solusaun ba rejime espesiál

Estudante foun Universidade Nasional Timor-Lorosa’e (UNTL) tinan 2019, husu Reitor UNTL, Francisco Miguel Martins ho Ministru Ensinu Superior Siensia no Kultura (MESSK) atu sériu buka solusaun ba polémika rejime espesiál, nune’e labele difikulta ba kalendáriu akadémika tinan ne’e nian.

Portavoz estudante foun UNTL, Isac da Costa de Jesus, hatete sira preokupa ho kalendariu akadémika tinan 2019 ne’ebé tarde hodi difikulta ba sira nia prosesu aprendizajen inklui orientasaun ba estudante foun.

“ Ami husu ba UNTL ho MESSK atu foti desizaun final iha tempu badak ba estudante regime espesial, hodi públika naran estudante sira nian, tamba ne’e husu ba parte rua UNTL ho MESSK atu buka solusaun lalais hodi rezolve polemíka ne’e”, deklara portavos, Isac da Costa de Jesus, liu husi konferensia Imprensa (26/03/2019) iha Jardin 5 de Maio Farol.

Portavos ne’e husu ba Reitor ho MESSK labele egoísta no tau aas interese privadu hodi impede  no sakrifika povu nia oan ne’ebé iha direitu atu aprende iha UNTL.

“ Ikus liu ami husu ba líder  polítik sira atu haree edukasaun hanesan interese komun ida ne’ebé importante tebes ba vida Nasaun ida ne’e, hodi labele politiza tuir interesse polítiku sira nian, tamba ne’e ami hakarak husu ba UNTL ho MESSK hakotu polemíka ne’ebé iha hodi haree ba prosesu aprendizajen estudante sira nian”, afirma Isac da Costa de Jesus.

Nia haktuir, karik laiha solusaun iha tempu badak ba polemíka rejime espesial, estudante sira ne’ebé aprovadu ona iha selesaun kanal A rejime jeral kanal C rejime oportunidade inklui kanal B rejime espesial, hodi halo asaun pasífika hasoru UNTL ho MESSK. Fel

Leave a Reply

Your email address will not be published. Required fields are marked *