Estudante foun UNTL tuir orientasaun ■Reitoria garante kondisoens

Pro Reitor Asuntu Estudante Universidade Nasional Timor Lorosa’e (UNTL), Zeferino Viegas Tilman, hatete, estudante foun UNTL tinan letivu 2019, hamutuk  rihun resin tuir orientasaun.

Kona ba preokupasaun públiku nian ne’ebé hateten katak, kondisoens UNTL labele atu akumula estudante ho númeru  bo’ot  iha tinan ne’e, Zeferino viegas garante katak, UNTL iha kondisoens atu akumula hotu estudante sira ne’e.

“Orientasaun akadémiku ida ohin ne’e la’os de’it ba estudante rejime espesial, maibé mós husi rejime jeral, no rejime oportunidade, entaun estudante sira ohin iha fakuldade siénsia sosiais, tuir orientasaun akadémika ne’e kanal tolu ne’e hotu,  departementu sira hotu, inkluindu nu’udar estudante foun iha tinan ne’e”,informa Zeferino Viegas ba Jornalista sira, Segunda (08/04/2019 ) iha UNTL, Caicoli, Díli.

Tuir Zeferino, atu hetan kualidade di’ak iha edukasaun, fila-fali ba kada estudante, oinsa sira bele esforsu, para situasaun ne’ebé mak iha hodi  bele sai mellor estudante, iha sira-nia departamentu, no mellor estudante reprezenta universidade iha  fatin hotu, nune’e hatudu prova katak kualidade la’os de’it fatin no fasilidade, maibé kualidade asuntu jeral ne’ebé liga mós ho kada estudante atu prepara aan, hodi kontribui ba kualidade nia aan rasik.

“Hanoin iha ona analiza, liu husi gabinete prokurador ba asuntu ne’e halo tiha ona katak, husi fakuldade hotu ne’ebé mak iha, haree mós prosesu dadaun ne’e iha UNTL, prontu hela atu hanorin,  bele responde tuir númeru ne’ebé mak tama iha tinan akadémiku 2019,  kuaze mill ital maibé, dadaun ne’e ami hetan kuaze 7 mill ital de’it, siginifika professor sei to’o hodi hanorin estudante sira, tanba dosente dadaun hanorin iha UNTL hamutuk 400 resin”, relata Zeferino.

Iha fatin hanesan, Prezidenti Komisaun ba orientasaun siénsia sosiais no polítika, Candido Araújo Xavier hateten, tuir lolos orientasaun ne’e akontese iha fulan fevereiru, tanba kestaun impase akadémika, dada to’o fulan Abril mak akontese orientasaun ne’e.

“Kompeténsia husi komisaun nian mak, oinsa bele atende alin sira iha prosesu orientasaun ne’e, tuir nesesidade, regulamentu, ne’ebé mak estabelese tiha ona iha ita-nia universidade”,katak Candido.oly

 

Leave a Reply

Your email address will not be published. Required fields are marked *