UNTL halo akordu ho Instituto Camões ba lian Portugés

Universidade Nasional Timor Lorosa’e, (UNTL), halo akordu ho Instituto Camões iha Timor-Leste, hodi fó formasaun portugés ba professor, funsionáriu no estudante sira UNTL.

Embaixador Portugal iha Timor Leste, Jose Machado Viera hateten, objetivu prinsipal husi akordu ne’e mak,  tau prioriedade liu atu fó formasaun, orientasaun ba professor, estudante no funsionariu iha UNTL, iha lian Portuguesa, liu liu haforsa  sira-nia kualidade edukasaun iha lian portuguesa.

“Objetivu prinispal husi akordu ohin ne’e, fó prioridadade ba área edukasaun, liu- liu iha ensinu superior, ne’ebé hato’o husi Governu Timor-Leste rasik, iha Cooperasaun ida ne’e, ne’ebé  prinsipal ba dezenvolvimentu nasaun ida nian, koopersaun ida ne’e prioriedade liu atu fó formasaun, orientasaun atu optimiza professor, estudante no funsionáriu sira iha lian portuguesa, no mós orienta mestradu, doutoramentu, no kapasita ekipa sira fahe esperensaun entre Universidade Timor nia ho Portugal”, katak José Machado Viera ba Jornalista sira iha Embaixada Portugal, Kuarta (10/04/2019).

José Machado  haktuir, área ida ne’ebé Governu Portugal fó atensaun makas liu ne’ebé kalkula iha 80%,  Governu Portugal nia ajuda ba Timor-Leste, dedika liu iha área edukasuan.

“Ami iha projetu barak, tebes relasiona ho  divulgasaun lian portuguesa, ami iha mós projetu CAFÉ, ne’ebe estabelese ona iha teritóriu tomak no iha eskola Portuguesa, no projetu seluk ne’ebé sei iha hela negosiasaun. ami nia foco iha Timor-Leste maka dezenvolvimentu lian Portuguesa”, akresenta José Machado.

Alende  ne’e, Reitor UNTL, Francisco Miguel Martins, hateten, nasaun Portugal ho Timor-Leste, liu-liu instituisaun rua, UNTL no Institutu Camões, para implementa projetu naran foku  katak, Formar , Orientar, Certifikar, no optimizar, ba lian Portuguesa ne’ebé implemneta iha Timor-Leste.

“UNTL ninia polítika institusional, ne’ebé trasa husi polítika Estadu nian,  husi konstituisaun Republika Demokratika Timor Leste (RDTL), ita-nia lian Portugés no tetun ne’e nu’udar lian ofisial, UNTL rasik konsidera katak, lian portugués hanesan lian instrusaun, ba áre hotu,  tuir oferta formativu, ita husu kolaborasaun husi Institutu Camões, professor sira sei desloka mai para ajuda,  ita mós rekrutamentu formalmente  professores Portuguesa sira, iha nain 10  permanente iha Universidade, no Timor-oan sira ne’ebé formandu ona iha lian portuguesa, ita sei tau hamutuk sira hanesan forsa traballu ida, atu bele implementa lian portuguesa, atu eleva liaguajen portuguessa ba ita-nia povu no joven sira”, katak  Reitor UNTL ne’e. oly