Presiza ema ho kapasidade, MEJD deside rekruta funsionáriu foun

Ministra  Edukasaun Juventude no  Desporto,  Dulce de Jesus Soares, hatete, desizaun Ministériu Edukasaun Juventude no Desportu (MEJD)  loke konkursu hodi rekruta funsionáriu foun, tanba presiza ema ho kapasidade hodi hala’o servisu.

Ministra  Edukasaun Juventude no  Desporto, Dulce de Jesus Soares, hato’o asuntu ne’e, relasiona ho asaun greve ne’ebe halo husi funsionario kontratadu Ministeriu Edukasan Joventude no Desportu hamutuk atu rua, hitu nulu resin tolu halo iha Tersa semana ne’e, tamba la simu desizaun Ministeriu nian ne’ebe loke konkursu foun ba públiku.

Governante ne’e hatete,  Funsionáriu kontratadu hirak ne’e laos ministeriu edukasaun mak hapara nia kontratu,maibé funsionariu sira  nia kontratu mak remata ona iha loron 31, fulan Dezembru, tinan 2018.

Tamba ne’e ministeriu edukasaun labele ekstende nune’e loke konkursu hodi rekruta funsionariu foun.

 “Hau la hakotu kontratu funsionariu ,maibé kontratu ne’e rasik hotu iha loron 31 ,fulan Dezembru ,tinan 2018 depois ministeriu edukasaun la halo ekstensaun otomatika no ami halo diagnostika husi rejultadu diagnostika mak sei rekruta ema tuir nesesidade instituisaun,iha área kurikulu ita presiza ema ne’ebé mak pelemenus nia iha ligasaun ho kurikulum ,iha área iha nivel ensinu pré-eskolar,ensinu baziku,ensinu sekundaria ,tekniku vokasional  ne’e mós hanesan ita presiza ema sira ne’ebé mak iha kapasidade iha área sira ne’e, tamba hakarak ka lakohi hanesan instituisaun Governu ida ne’ebé mak ita hakarak hakat ba ion ,ita presiza atu halo transformasaun ida iha ita nia forsa de trabalho” Ministra  Edukasaun Juventude no  Desporto, Dulce de Jesus Soares, ba Jornalista sira iha Palasiu Governu,Kuarta (22/05).

Tuir Dulce, rekrutamentu ne’e mos atu garante kualidade edukasaun iha Timor-Leste , tamba servisu   ministeriu nian laos iha capital Dili deit, maibe sei halo hotu ba nivel eskola sira iha munisipiu hotu.tos