MEJD sei hadia Eskola 100 no Sala de Aula 917

Tuir planu no programa Ministériu Edukasaun Juventude no Desportu (MEJD),iha tinan 2020 ne’e, sei hadia eskola Atus Ida no sala de aula 917 ,husi nasional munisipiu,Postu Administrativu no suku sira.

Iha tinan 2020 ne’e Ministeriu Edukasaun Juventude no Desportu sei konsentra ba infra estrutura edukativa hodi konstroi no hadia eskola inklui sala de aula, sala administrasaun,sala profesores,biblioteka no laboratóriu, hamutuk Atus Sia Sanulu Resin Hitu.

“Ami informa planu asaun Ministeriu Edukasaun Juventude Desportu nian ba 2020 ne’ebé konsentra liu ba infra estrutura edukativu tuir ami nia dadus ne’ebé iha 2020 ministeriu edukasaun planu atu halo hari’i ou atu hadia 100 resin eskolas husi numeru eskola ne’e ho nia komponente 5 hanesan sala de aula,salas de professor no mós sala de administrasaun iha kantina,biblioteka,iha mos laboratóriu nune’e hamutuk 917 sala de aulas ida ne’e mak sai area prioridade edukasaun nian ne’ebé ami hein katak,ami bele hetan orsamentu naton atu bele konstroi sala de aulas sira ne’ebé sai programa prinsipal ba ministeriu edukasaun iha tinan 2020”Ministra  Edukasaun Juventude no  Desporto  Dulce de Jesus Soares hato’o asuntu ne’e,hafoin informa planu asaun ministeriu nian ba Primeiru Ministru Taur Matan Ruak, iha Palasiu Governu,Kinta (18/07).

Implementasaun ba Programa  Prioridade  Ministeriu Edukasaun Juventude No Desportu  ne’e atu responde preukupasaun eskola sira nian iha terenu no bele hasa’e kualidade edukasaun iha future.Tos