JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Timor-oan 345 afetadu moras kankru susun

Timor-oan 345 afetadu moras kankru susun

Hospital Nasional Guido Valdares (HNGV) iha tinan haat (2015 – 2019) nia laran rejista pasiente inan feton sira nebe moras kankru susun 345. Husi numeru nee iha mane nain tolu (3) no pasiente moras kankru maioria ho tinan 18 too 40.

Nunee iha Kinta (26/09) nee gabinete Espoza Prezidente Repúblika liu husi Komisaun Nasionál kankru susun,hala’o sosializasaun konaba moras kankru susun ba foinsa’e feto no mane iha suku Becora, tamba moras refere hamate ona inan feto barak.

“Nu’udar espoza Prezidente Repúblika hanesan mós inan ,hanesan mós feto ida,  hau hatene moras kankru susun hamate ona ita nia inan feton barak no moras kankru susun mós sai problema bo’ot ,tamba tuir relatóriu WHO iha tinan 2018 hatudu katak,mortalidade feto iha Mundu a’as tebes ,iha Estadu Unidus Amerika tinan-tinan feto 250 Mil mate,tamba sofre moras kankru Timor-Leste mós tama hotu,tamba ne’e.Hau hanesan Inan no feto hau preukupa tebes ho situasaun ne’ebé mak inan hasoru.Hau hanesan espoza Prezidente Repúblika sei fó apoiu tomak ba sosializasaun ba programa ida ne’e ida ne’e ” , dehan  Espoza Prezidente Repúblika Cidalia Mouzinho Guterres  ba Jornalista sira iha salaun Canossiana Becora Díli.

Gabinete Espoza Prezidente Repúblika Francisco Guterres Lú-Olo, kria ona Komisaun Nasionál Kankru Susun atu fó sensibilizasaun ba foinsa’e feto no mane sira iha teritóriu Timor laran tomak, tamba maioria inan feton sira seidauk iha konesimentu konaba moras kankru susun.

Espoza Xefe Estadu kompromete sei fó apoiu tomak ba programa sensibilizasaun konaba moras kankru susun ne’e, tamba dala barak feto sira ne’ebé sofre moras refere hala’o tratamentu tarde.

Lee hotu :   FMSS UNTL preparadu priense rekezitus husi ANAAA

Nunee mos Xefe Departamentu Cirurgia ne’ebé responsavel ba Komisaun Nasionál Kankru susun, doutor Alito Soares,  esplika mortalidade inan feton sira iha Timor-Leste a’as, tamba pasiente sira ne’ebé sofre kankru susun hala’o tratamentu iha hospital tama ona ho estadiun ida ne’ebé avansadu.

Doutor espesialista cirurgia ne’e la  esplika detalu konaba kauza ne’ebé hamosu moras kankru.

 “Moras kankru ne’e sai numeru  ida (1) iha feto ,kazu mortalidade ne’e a’as tebes,tamba dala barak ita nia moras sira ne’e mai ho estadiun avansadu los ,tamba moras ne’e hadaet ona ba orgaun seluk hanesan ba nia pulmaun,aten,ruin no kakutak ,tamba ne’e ita labele salva ona nia vida ,tamba ne’e hein mate de’it,tamba razaun pasiente sira halo tratamentu ho aimoruk tradisionál ninia no tamba sira laiha konesementu konaba moras kankru susun inklui tamba sira moe atu koalia sai sira nia moras ne’e ba pesoal saúde sira,moras kankru susun ne’e wanhira halo tratamentu sedu bele kura no salva vida. Ate a data kauza saida mak halo mosu moras kankru susun ita seidauk hatene,maibe iha fator barak ne’ebé estimula ka mosu kankru susun ,maibe fator ida ne’ebé a’as tebes mak ema sira ne’ebé genetik dehan,familia,tamba iha familia nia laran mak inan ida sofre moras kankru susun entaun nia oan feto dala rua ka bo’ot liu para atu hetan kankru susun iha nia moris ida seluk ne’ebé risku atu hetan kankru susun mak ema sira ne’ebé kankru iha sira nia ovariu no balun dieta hodi konsum hahan ne’ebé ladun seguru ,tamba dala barak konsumu aihan ne’ebé kontamina ho kimiku”, termina doutor Alito Soares.Tos

Add to Comments Here!!!!

error: Content is protected.
Secured By miniOrange
You might also like:
Dom Virgílio husu estudante labele haree deit ba obstákulu

Bispu Dioseze Díli, Dom Virgílio do...

PM Taur: Membru governu pendente la’os obstákulu ba dezenvolvimentu TL

Primeiru Ministru (PM), Taur Matan Ruak,...

Dia 26/09/2019 || GMNTV LIVE STREAM || JORNAL NASIONAL KALAN

Close