Governu TL sei asina akordu subsidiáriu ho Austrália

Governu Timor- Leste (TL) sei asina akordu subsidiáriu konaba eliminasaun violensia kontra feto iha nasaun ne’e (TL) ho governu Asutrália.

Akordu entre nasaun rua nee, Konsellu Ministru fó poder ba Ministra Solidaridade Sosiál no Inkluzaun, Armanda Berta dos Santos maka sei asina.

“Konselu Ministru rona mós husi Ministra Solidaridade Sosiál no Inkluzaun Armenda Berta dos Santos,ne’ebé halo aprezentasaun ida konaba akordu subsidiáriu  entre Governu Timor-Leste no Governu Austrália ne’e relativu eliminasaun violensia kontra feto iha Timor-Leste .Konselu Ministru mós apresia tebes artikulasaun ne’e diak tebes no programa ne’e importante tebes ne’e laos programa foun,maibé programa ne’e mai ona husi tinan 2014 to’o 2018 ne’eb’e implementa ona primeira faze  nune’e ida ne’e segunda faze  ho Governu Austrália nian  no Finansiamentu mós husi Governu Austrália nian  ho montante $ 35 Milhões para konklui segunda faze ne’e”, dehan  Ministru Estadu Prezidensia Konselu Ministru Agio Pereira, hato’o  hirak ne’e, hafoin partisipa reniaun Konselu Ministru iha Palásiu Governu,Kuarta (16/10).

Asina akordu subsidiáriu entre Governu Timor-Leste ho Governu Asutrália ne’e konaba programa  eliminasaun ba violénsia kontra feto iha Timor-Leste  ida ne’ebé naroman.

Akordu ida ne’e sei selebra iha konformidade ho memorandu entendimentu no parte rua ne’e asina ona iha tinan 2003. Nune’e mós Subtitui akordu anterior ne’ebé asina iha tinan 2014 no sei implementa to’o fulan Juñu tinan 2022.

Objetivu husi programa  ne’e, atu garante ba feto no labarik iha Timor-Leste inklui mós grupu marjinalizadu hanesan, ema ho defisiénsia atu labele hela iha situasaun violénsia nia laran no bele kontribui ba dezenvolvimentu nasaun ne’ebé forte.Tos