JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Pasiente mate bebeik iha sala operasaun, PN husu governu muda jestaun servisu HNGV

Pasiente mate bebeik iha sala operasaun,  PN husu governu muda jestaun servisu HNGV

Reprezentante povu iha Parlamentu Nasionál (PN), liu husi plenária Segunda (30/09/2019), kestiona maka’as servisu saúde no atendimentu iha Hospitál Nasionál Guido Valadares (HNGV) nian, no ezije ba Governu atu muda sistema ka jestaun servisu iha HNGV rasik, tanba fó atendimentu ladiak ba povu.

“Iha semana liu, iha pasiente ida, ne’ebé ruzuk husi ospitál Vikeke mai, depois halo operasaun maibé, durante operasaun suku seidauk hotu, pasiente mate tiha. Horibainhira ha’u telefone diretur jerál, depois diretur jeral ne’e dehan, depois mak halo relatóriu ba família sira, depois ha’u dehan, ha’u la husu relatóriu, relatóriu ne’e bele mai ho ilmiah, depois ho justifikasaun heboh-heboh, ne’e kazu konkretu ba ema nia vida. Ha’u konsege buka tuir, iha doutór Xineza ida mak opera, depois iha operasaun nia laran ne’e mós ahi mate hela de’it, ha’u lamenta ida ne’e”, kestiona deputadu PLP, Francisco de Vasconçelhos iha plenária, Segunda (30/09/2019) ne’e.

Reprezentante povu ne’e mós lamenta, tanba pasiente refere hakotu nia iis iha prosesu operasaun, no kestiona profesionalidade pessoal saúde nian.

“ Destinu ne’e iha Maromak nia liman maibé, doutór sira halo justifikasaun ne’e, iha human error iha ka la’e?,  tanba opera mate de’it iha sira-nia liman laran, Sei opera ba, liu fulan ida ka rua mak mate ne’e, ita dehan grave ona maibé, opera hela mak mate ne’e, sira laiha análiza seluk hodi antesipa buat sira ne’e. Iha mós pasiente ida naran Batista, ne’ebé doutór sira brani muda husi ICU ba iha sala normal maibé, mate, ida ne’e mak jestaun HNGV nian. Ita tenki buka solusaun, jestaun ba hospitál ne’e”, dehan deputadu Francisco.

Lee hotu :   EESJ 4 Setembru sei la fó valor diak ba alunu finalista faltosu

Aleinde ne’e, deputadu opozisaun FRETILIN, David Diaz Mandati mós rekomenda atu kapasita tan pessoal saúde no loke tan klínika ne’ebé modernu, hodi bele atende pasiente sira ho di’ak.

“Karik material laiha, sosa material nessesáriu ba hospitál modernu ruma, hanesan modernu ninian, depois karik ita tékniku laiha, kontrata tékniku sira, mai tinan lima, balun akompaña servisu, balun ba sekola dadauk, tinan 5 sira fila mai, rezolve ona ita nia problema”,katak  Mandati.

Hatán ba proekupasaun hirak ne’e, reprezentante VIII Governu Konstitusionál iha PN, Fidelis Magalhães hateten, nia parte sei hatutan informasaun refere ba ministériu relevante, hodi tau atensaun.say

Add to Comments Here!!!!

error: Content is protected.
Secured By miniOrange
You might also like:
PNTL la autoriza MUTL halo manifestasaun kontra PN

Komando Polísia Nasionál Timor-Leste (PNTL) Munisípiu...

Governu fó vistu livre ba turista sidadaun Indonesia  Agustinho Gomes: implika ba reseitas

Governu hasai ona  rezolusaun númeru 25/2019,...

konstroe uma iha mota ninin, PN konsidera governu-Autoridade Lokal mak laiha kapasidade jestaun

Bankada FRETILIN iha Parlamentu Nasionál (PN)...

Close