MESSK ameasa taka klase paralelu

Ministru Ensinu Superior Siensia no Kultura (MESSK), Longuinhos dos Santos, ameasa taka klase paralelu ne’ebé universidade ho institutu sira loke iha Munisipiu sira la tuir rekezitus ministeriu fó.

Governante nee fó sai ameasa nee iha, Tersa (10/12), hafoin enkontru ho konsellu reitor sira iha Dili.

 “Sim klase paralelu,hanesan ohin, ita iha ona lei, lisensa operasional ne’ebé mak ita iha, atu bele guia, kuandu klase paralelu la priense rekezetus, ita tenki taka. Ne’e hakarak ka lakohi, maibe ita akumula hotu dadus liu husi ita nia fiskalizasaun, liu husi ita nia observasaun ne,ebé mak iha, depois ita analiza liga liu ba iha lisensa operasional, karik la prense ita taka,” esplika Ministru ne’e.

Rekezitu sira ba Universidade sira nebe loke klase paralelu nee tenki iha vizaun no misaun, karta lisensiamentu, fasilidade hanesan laboratóriu, biblioteka, dosentes, kurikulú atu garante kualidade ensinu.

Konaba informasau nebe espalla Institutu Of Busness (IOB) loke klase paralelu maibe taka tiha ona, reitor IOB, Augosto Soares rezeita informasaun nee.

“Seidauk taka, IOB nia klase paralelu rua, Maliana ho Baucau. Rua ne,e hetan lisensa husi MESSK. Ida Maliana ne’e la’o hela, estudante sira to’o oras ne’e semester delapan (8) ona. Ida Baucau ne, la’os la la’o, ita hare’e katak ita iha prosesu oinsa atu bele re-ativo fali estudante foun sira ba klase paralelu Baucau,” esplika Reitor.

Iha fatin hanesan Reitor Universidade da Paz (UNPAZ), Aldo Amaral mos esplika UNPAZ mos hetan lisensa husi MESSK kona ba Klase paralelu.

Klase paralelu UNPAZ nian nee iha Municipio Ermera no Munisipiu Covalima.

“Sim ami hetan autorizasaun husi ministeriu, par depois nafatin halao klase paralelu, agora dadauk ami iha klase paralelu iha munisipiu  rua (2), iha munisipiu Ermera nomos munisipu Covalima, ne’ebé mak ba fakuldade direitu agora ba semester hitu (7), prosesu la’o nafatin hela. Dosentes sira kada  semana desloka husi Díli ba fó asisténsia ba  prosesu aprendijazem iha ne’ebá”, dehan reitor. Gmn