JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

MS sei distribui kareta multi-funsaun ba munisípiu sira

MS sei distribui kareta multi-funsaun ba munisípiu sira

Vise Ministru Saúde (MS) ba Dezenvolvimentu Estratéjiku Saúde, Bonifácio Mau Coli  dos Reis, hateten, Ministériu Saúde (MS) sei distribui kareta multi-funsaun no ambulánsia ba munisípiu 12, inklui Rejiaun Administrativa Espesial Ambeno Oe-Cusse (RAEOA), tanba durante ne’e ambulánsia ne’ebé halo operasaun tula ema moras iha munisípiu sira ne’e avaria hotu.

“Durante ne’e preokupasaun barak mai husi munisípiu, liu-liu ba komunidade sira, tanba ita hatene katak durante tinan 10 ona kareta multi-funsaun sira át hotu ona no ho kondisaun ne’ebé grave tebes, iha tinan ne’e ita konsege tau osan hodi sosa kareta multi-funsaun no mós ambulánsia rua. Oras ne’e dau-daun tama ona no hein atu halo deit distribuisaun ba munisípiu sira, para hodi responde ba prekupasaun ne’ebé durante ne’e komunidade no mós pesoal saúde sira durante ne’e kestiona”, Vise MS ne’e ba jornalista sira iha Palaçio das Cinzas, Caicoli-Díli, Segunda (09-12-2019).

Governante ne’e informa, governu prevé ona orsamentu atu sosa kareta hirak ne’e iha Orsamentu Jeral Estadu ( OJE) 2019, maibé iha tinan 2020 sei propoin hodi sosa tan kareta unidade 20.

Iha fatin hanesan, Diretor Administrasaun Lojístika Patrimónia MS, Francisco Borges, esplika, kareta hirak ne’e ho ninia ekipamentu kompletu, ne’e duni presiza pesoal saúde ho motorista sira tuir treinamentu antes utiliza.

“Kareta refere seidauk bele halo transferensia, tanba kareta ho modelu foun, importante mak tenki fó treinamentu ba ita-nia pesoal saúde sira, liu- liu ba motorista sira oinsa atu halo manutensaun preventiva ne’ebé di’ak ba kareta sira, tanba kareta sira ne’e ho ekipamentu kompletu. Polítika MS ba oin presiza sosa tan kareta multifungsi, tanba sentru saúde ida tenki iha kareta ida, basa agora sentru saúde iha teritoriu laran tomak hamutuk 70, no kareta sira ne’ebé identifika atu entrega ba patrimóniu Estadu hamutuk 30 unidades”, tenik Francisco.

Lee hotu :   Odete Viegas: Komunidade labele diskrimina estudante na’in 17

Entretantu total orsamentu sosa kareta hirak ne’e ho montante 800.000 resin, enkuantu kareta ambulánsia maternidade tolu (3) ne’ebé apoiu husi Korea International Cooperation Agency (KOICA) sei halo distribuisaun ba munisípiu Ainaro no postu administrativu Maubisse. eni

Add to Comments Here!!!!

error: Content is protected.
Secured By miniOrange
You might also like:
DNMG deskorda klimátika TL rai manas sa’e maka’as

Diretur Diresaun Nasional Meteorologia no Geofízika...

PN sujere Xefi Governu esforsu maka’as hodi solusiona polémika membru governu pendente

Reprezentante povu iha uma fukun Parlamentu...

FRETILIN : prosesa kazu lori sai ai-moruk husi HNGV-kazu asidenti aman no oan

Bankada FRETILIN iha Parlamentu Nasional (PN),...

Close