Profesór 104 hetan rekoñesimentu nu’udar mellor profesór

Profesór hamutuk 104 hetan rekoñesimentu nu’udar mellor profesór husi Ministériu Edukasaun Juventude no Desportu (MEJD) inklui eskola Ensinu Báziku no Ensinu Pre-Eskolar iha teritóriu Timor-Leste.

Prezidente Komisaun Organizadora, Luis Maria Fernandes, hatete, ekipa avaliasaun husi Ministériu Edukasaun ne’ebé halo diagnostika ba mellor professores 104, la hare ba professores permanente voluntariu no reklamante maibé ba professores hotu ne’ebé hamrik iha estudante sira nia oin hodi hanorin estudante sira.

“Avaliasaun ne’ebé ekipa husi Ministériu halo ba professor hirak ne’e, hare ba professor sira nia desempenhu asesualidade pontualidade dedikasaun  relasaun servisu no jestaun diak, no kriteria hirak ne’e mak halo sira sai hanesan mellor professores,” dehan  Prezidente komisaun organizadora, Luis Maria Fernandes, ba Jornalista sira Kinta (12/12/2019) iha Balide Díli.

Prezidente Komisaun Organizadora haktuir, kona-ba mellor ensinu pre-eskolar no ensinu báziku, hau ladun fiksu númeru ne’e hira maibé husi ensinu báziku filial no ensinu báziku sentral no pre-eskolar, ne’ebé hetan melhor diak ida ne’e hare ba  ambiente eskola ne’ebé diak no mos liu eskola sira seluk.

“Mellor profesóres no mellor ensinu pre-eskolar no eskola ensinu báziku mai husi Munisipiu 11, la inklui Munisipiu Aileu no Regiaun Administrativa Espesial Oe-cusse Ambeno,”afirma Luis Maria Fernandes.

Diretor Jeral Politika Planeamentu Parseria Ministériu Edukasaun, Antoninho Pires hatete, professores no eskola ensinu báziku inklui pre-eskolar, ne’ebé hetan rekoñesimentu nudar mellor, sira ne’e liu husi prosesu selesaun ida ne’ebé halo husi komisaun ba iha Munisipiu sira.

            “Liu husi selesaun mak foin determina hodi eskolha hanesan mellor professores no   mellor pre-eskolar inklui ensinu báziku, no premeio ne’ebé atu fo mak hanesan sertifikadu rekoñesimentu no seluk tan,” hatutan DJ MEJD.

Antoninho Pires subliña, avaliasaun ne’e laos halo deit ba pre-eskolar no ensinu báziku maibé sei halo mos ba eskola Sekundariu jeral no tekniku vokasionál  iha territoriu Timor.Fel