JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Eskola barak hetan inundasaun, MEJD husu komunidade labele soe fo’er arbiru

Eskola barak hetan inundasaun, MEJD husu komunidade labele soe fo’er arbiru

Ministra Edukasaun, Joventude no Desportu (MEJD), Dulce de Jesus  Soares, husu ba komunidade sira atu labele soe fo’er arbiru, tanba eskola balun iha Díli laran, liu-liu Eskola Báziku Filial Fatuhada iha Kinta, loron 23, fulan ne’e hetan inundasaun.

“Inundasaun iha Eskola Báziku Filial Fatuhada, tanba horseik (23/01) ami mai iha ne’e laiha prosesu aprendizajen, tanba bee nakonu iha aula laran, ohin (24/01) ha’u foti desizaun hodi lori funsionáriu sira husi MEJD hamutuk ho profesór sira, ami ohin mai ajuda halo limpeza iha eskola ida ne’e no mós ohin estudante sira labele halo prosesu aprendizajen, tanba ohin dader sira balun mai ajuda profesór sira hamoos eskola laran, hodi halo ropa bokon hotu, tan ne’e ohin ha’u dehan ba professór sira, haruka sira fila-fali ba uma no fó trabalho da casa, hodi nune’e estudante sira mós bele hakmatek iha uma mezmu laiha prosesu aprendizajen, la’ós deit hamoos área eskola deit, maibé sira mós hamoos valeta hirak ne’ebé iha komunidade nia leet, tanba husi valeta hirak ne’e mak bee tama fali mai iha área eskola ni’an no nia husu ba komunidade sira atu labele soe fo’er arbiru, tanba bele hamosu inundasaun”, MEJD ne’e ba jornalista sira iha Fatuhada, Sesta (24-01-2020).

Governante ne’e, husu mós ba Xefe suku Fatuhada atu avizu ba abitante sira labele soe fo’er arbiru iha iha valeta no selu-seluk tan, ho nune’e labele impede prosesu aprendizajen.

 “Ami husu mós ba na’i Xefe suku Fatuhada atu fó hatene ba komunidade sira labele soe fo’er arbiru, tanba iha eskola ne’e ita-nia oan sira mak eskola, sé ita hotu bele proteje ita-nia uma oin, kuidadu labele soe lixu arbiru no ida-idak tau matan ba valeta sira iha uma oin, ha’u hanoin bele ajuda laiha tan inundasaun iha eskola”, hateten Dulce.

Lee hotu :   TL lidera enkontru SEAMEO INNOTECH, Aprezenta kriatividade materiais prátika ba siensia

Alende ne’e, MEJD hato’o mós sentidu kondolensia ba família em lutada matebian Maria Bobo Fátima Pereira, tanba udan boot tenke ba eskola no lakon ninia vida.

Iha fatin hanesan, Koordenadór Eskola Bazika Filial Fatuhada-Díli, Zacarias da Conceição, hateten, udan boot ne’ebé akontense horiseik (23/01) rezulta sala iha Eskola Bazika Filial Fatuhada-Díli hitu (7) mak bee tama, ho nune’e nia parte husu ba parte kompotente atu tau atensaun ba eskola refere.

“Husu ba parte kompentente sira tenke tau matan mai ami, tanba tinan-tinan bee sempre tama mai ami nia área eskola, ne’e la’ós foun horiseik (23/01) no hori-bainrua, tanba wainhira udan boot, ami-nia aktividade sira iha eskola paradu, tanba sala 7 maka bee konsege tama, maibé ohin husi MEJD mai haree no hamoos ona, maibé kuandu aban (25/01) udan, entaun pasensia prosesu aprendizajen laiha, wainhira bee maran mak kontinua fali ensinu aprendizajen”, dehan Zacarias. jen

 

Add to Comments Here!!!!

error: Content is protected.
Secured By miniOrange
You might also like:
SEPC-emprezáriu Xineza sira sei fó apoiu ba vítima inundasaun Tasi-tolu

Sekretariadu  Estadu Protesaun Civíl (SEPC), koordena...

PN sei fó votus solidariedade ba vítima inséndiu iha Australia

Prezidente Parlamentu Nasionál (PPN), Arão Noe...

Manuel Tilman: Úniku solusaun ba impasse politiku mak Eleisaun Antesipad

Jurista Manuel Tilman,hatete,uniku solusaun ba impasse...

Close