JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

KM aprova rezolusaun RSI hodi halo protesaun ba saúde públiku

KM aprova rezolusaun RSI hodi  halo protesaun ba saúde públiku

Konsellu Ministru (KM), Kuarta (22/01/2020), aprova rezolusaun Regulamentu Sanitáriu Internasionál (RSI), ne’ebé aprezenta husi Ministra Saúde Interina, Élia Antónia de Araújo.

Objetivuhusi rezolusaun RSI ne’e, haforsa kapasidade vizilansia no resposta ba emerjensia, ne’ebé sai hanesan preokupasaun saúde públiku nian, no RSI sai hanesan instrumentu ida, ne’ebé mak deifni prosedimentu, ba protesaun kontra moras hadaet, ne’ebé fó kauza ba nível internasionál pneumonia ne’ebé akontese iha nasaun Xina .

“Agora dadaun iha mundu tomak liu-liu nasaun Xina ne’ebé mak afeitada ba moras pneumonia ne’e rasik, no detekta konfirmadu ema 180 husi nasaun Xina rasik na’in 4 mate tamba moras refere, no rejiaun ASEAN nian ne’ebé mak besik Timor-Leste, ita presiza hola medida ne’ebé mak seriu, atu nune’e bele hetan prevensaun, no preisza halo vizilansia masimu atu nune’e bele dok husi moras ne’e rasik,” hateten,ministra saúde interina, Élia Antónia de Araújo, iha Palaçio Governu, Kuarta (22/01/2020)

Nia esplika ho moras ne’e rasik ministériu saúde ho apoiu masimu husi ministériu relevante seluk, sei ativa fila fali komisaun surtu katak komisaun ne’ebé sei kontrola ema husi nasaun estranjeiru mai Timor-Leste iha aeroportu.

Hodikontrola fatin sira ne’ebé mak importante atu nune’e Timoroan labele afeita ba moras foun ida ne’e, no mós prepara ona folla informativa ida ba ema ne’ebé maka mai husi rai liur, liu-liu pasajeiru ne’ebé mai husi nasaun afeitada, Xina,Japaun,Tailandia no Korea Súl.

“Sintoma husi virus ne’e maka mósu isin manas ho teperatura aas, no tuir informasaun katak bele halo tratamentu maibe seidauk bele halo kurativu, tamba moras ne’e afetadu ba ita nia pulmaun rua sei infiltra, no moras ne’e bele hadaet ba ema seluk,” haktuir, ministra saúde interina ne’e.

Lee hotu :   MTK sei halo inspeksaun ba kareta ne’ebé tuan ona

Nune’e mos, konsellu ministru mós hasai rezolusaun governu ida, hodi husu apoiu liñas ministeriais, hodi bele halo kontrolu no prevene moras ne’ebé bele fo ameasa ba saúde públiku ne’e rasik.

Alende ne’e, dokumentu RSI ne’e aprova ona iha asembleia mundial iha tinan 2005, Timor-Leste hola parte iha momentu ne’eba, até utiliza adopsaun ba RSI hahu husi tinan 2012 até agora, tinan 8 ona Timor-Leste presiza hadia fila fali regulamentu ne’e, atu nune’e hadia kondisaun teknika no infrastrutura bazika hodi detekta ou avalia no notifika hodi responde ba preokupasaun saúde públiku nian.Cin

Add to Comments Here!!!!

error: Content is protected.
Secured By miniOrange
You might also like:
Dionísio rezeita informasaunmembru governu husi CNRT hatama karta rezignasaun

Prezidente Konsellu Diretivu Nasionál (PKDN) partidu...

PR Lú Olo hahu rona CNRT, KHUNTO no UDT

Prezidente Repúblika (PR),  Francisco Guterres Lú...

AIFAESA prosesa infratór hamutuk 94 tanba komete infrasaun

Koordenadór Autoridade Inspesaun no Fiskalizasaun ba...

Close