JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

MESSK:Governu sei evakua urjente bolseiru Timor-oan 17 ba Shanghai-Beijing

MESSK:Governu sei evakua urjente bolseiru Timor-oan 17 ba Shanghai-Beijing

Governu liu husi Ministériu Edukasaun, liu-liu Ensinu Superior Siénsia no Kultura (MESSK), iha ona alternativa hodi evakua urjente bolseiru Timor-oan 17 husi provínsia Wuhan ba Shanghai no Beijing, hodi antesipa labele kona vírus Corona. 

Ministru Ensinu Superior Siénsia no Kultura (MESSK), Longuinhos dos Santos, hateten, bolseiru 17 ne’ebé sei iha provinsia Wuhan, Xina, sei evakua urjente ba fatin ne’ebé seida’uk afetadu ba vírus corona.

Tanba iha provinsia Wuhan, Xina, vírus corona hamate ona ema barak, tanba ne’e maka governu iha ona hanoin hodi fó atuasaun urjente ba bolseiru sira ne’e.

Longuinhos dehan, iha ona enkontru entre liña ministeriál atu oinsa buka solusaun ba estudante Timor-oan sira ne’ebé oras ne’e dadaun iha provinsia wuhan hodi evakua sira ba iha fatin seluk hanesan Shanghai no Beijing.

“Primeira ita atu halo maka urjentimente atu evakua sira mai iha fatin ne’ebé seida’uk hetan afetadu ba iha vírus corona maka hanesan Shanghai, Beijing. Maibe buat hirak ne’e hotu halai liu ba  kustu, haree ba kustu despeza, ai-han ba estudante sira ne’ebé ita atu evakua no mós sira-nia hela fatin ida ne’e maka sei sai preokupasaun”,dehan, Longuinhos dos Santos, ba GMN, Tersa (28/01/2020), iha nia kna’ar fatin Colmera-Dili.

Tanba ne’e, Longuinhos sei hato’o problema ne’e iha enkontru Konsellu Ministru hodi hetan aprovasaun, hafoin haruka karta ba Ministériu Finansa hodi hetan fudus atu bele apoiu lalais ba estudante sira.

Ho alternativa sira ne’e, Longuinhos sei aprezenta ba Konsellu Ministru atu bele hetan rezolusaun ida, hodi hetan apoiu osan husi rezolusaun, atu nune’e bele hakerek karta ida ba iha Ministériu Finansa atu bele hetan fundus atu bele tau atendimentu ba alin sira ne’ebé maka ameasadu ba vírus corona ne’e.

Lee hotu :   Mosu deklarasaun inserteza ba subsídiu pursentu 60 husi MSSI

“Aban (ohin,red), ita iha enkontru Konsellu Ministru nian, tanba ne’e maka ita sei hato’o kestaun sira ne’e, kestaun sira ne’e hanesan problema global, problema ne’e presiza ita halo atendimentu, ami sei hato’o ba iha Konsellu Ministru pois Konsellu Ministru iha ona desizaun ita kontinua kedas halo asaun ba iha problema ida ne’e”, hateten, Longuinhos.

Vírus corona, ne’e rasik mosu iha sidade huben Wuhan Xina, iha loron  31 fulan Dezembru tinan 2019. Sintoma ba moras corona ne’e, halo isin manas maka’as, ulun moras, me’ar, fani no dada iss ladi’ak.

Tuir análiza balun fó sai katak, vírus refere mosu, no halo ema barak mate, kauza hosi konsumu naan husi animal, hanesan, Niki, Laho, inklui naan husi samea no seluktan.

Tuir estudante sira iha sidade Wuhan, hatete ba GMN katak, ejize nafatin ba Governu Timor-Leste atu fó atensaun urjente ba sira hodi nune’e sira labele hetan moras ho naran vírus corona ne’e.Jen

 

Add to Comments Here!!!!

error: Content is protected.
Secured By miniOrange
You might also like:
Asegura finanseiru família no instituisaun, Mate restu 12 Novembru hetan formasaun jestaun kooperativa

Mate restu 12 Novembru 1991, hetan...

TDD adia kazu eis Sekretáriu Estadu SEFOPE

Tribunál Distritál Díli (TDD), iha Segunda,...

Isu virus corona tama TL, Élia : Povu labele pániku, tanba seidauk eziste iha Timor

Vise Ministra Saúde interina, Élia dos...

Close