JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN husu MESSK tau atensaun ba universidade privadu redus propinas

PN husu MESSK tau atensaun ba universidade privadu redus propinas

Membru Komisaun G Parlamentu Nasionál (PN) husu ba Ministériu Ensinu Superior Siensia no Kultura (MESSK) atu tau atensaun ba Universidade privadu sira (Ensinu Superior Privadu-ESP) para redus sira nia propinas, tamba konsidera propinas  ne’ebé ensinu superior sira iha la kondis ho ekonomia família estudante sira nian.

“Ita nia Universidade Timor-Lorosa’e (UNTL) labele akumula hotu estudante sira, entaun estudante balun tenke ba iha ensinu superior privadu sira hodi eskola, maibé balun labele kontinua sira nia estudu iha universitariu privadu sira tanba propinas karun nune’e la fó oportunidade ba kbi’it laek nia oan hotu atu asesu ba ensinu superior privadu sira”, deklara deputada Bendita Moniz, iha PN hafoin audensia ho MESSK, Segunda (06/01/2019).

Deputada ne’e dehan, kada tinan governu fo subsidiu ba ensinu superior privadu maibé ensinu superior privadu sira nafatin husu propinas ba estudante sira ho montante bo’ot, no ida ne’e reseitas ne’e ba ne’ebé no relatoriu ne’ebé ensinu superior privadu sira halo atu relata los orsamentu ida ne’eb’ los.

“Ha’u hanoin Ministériu Ensinu Superior tenke haré tanba kada tinan  ita tau osan ba ensinu superior privadu sira, entaun ita husu atu ensinu superior privadu hanesan Institute of Busnises (IOB) Díli Institute of Tecnology (DIT) Institutu Superior Cristal (ISC) Universidade da Paz (UNPAZ) no seluk tan atu bele redus sira nia propinas, tanba  se lae estudante ne’ebé la konsege eskola UNTL atu ba eskola fali iha ensinu superior privadu sira labele tanba haré osan rejistrasaun ne’ebé bo’ot”,afirma deputada Bendita.

Hatan ba preokupasaun ne’e reitor UNPAZ, Adolmando Amaral hatete, Parlamentu nia hanoin ídeal maibé bainhira sira husu atu redus propinas sira mos labele ezije ensinu superior sira atu garante kualidade tanba produtu ne’ebé kualidade ita hola ho presu ne’ebé a’as.

Lee hotu :   Governo gasta cerca de 11 milhões de dólares na compra de materiais de proteção e medicamentos

“Ita ezije kualidade maibé parte seluk ita fó presu atu redus propinas ba ensinu superior privadu sira, ne’ebé la hetan tan subsidiu husi governu entaun hau nia hanoin sira hanoin diak lai hafoin halo estetmentu politika sira hanesan ne’e”,afirma Adolmando.

Reitor ne’e subliña, governu fo subsidiu ba ensinu superior privadu sira para depois sira bele halo polítika hodi husu atu redus propiñas, maibé enkuanto laiha subsidiu sira ejije kualidade mak jestaun iha universidade PN labele tama to’o iha ne’eba.

Hosi sorin seluk Ministru Ensinu Superior Siensia no Kultura, Longuinhos dos Santos responde asuntu refere hateten katak, atu halo redusaun propinas iha ensinu superior privadu sira ida ne’e depende tanba kada ensinu superior sira iha  estatutu autonomo rasik.

 “Ita presiza haré kestaun ida ne’e tanba sira ensinu superior privadu depende liu ba admistrasaun no finansiamentu, tanba ne’e la fasil atu halo redusaun propiñas ba ensinu superior privadu sira no ami mos tenke iha mekanismu diak no ensinu superior sira tanba atu to’o ba iha ne’eba ami iha ona mekanismu liu hosi konselhu reitores hodi halo diskusaun konaba kestaun ne’e”,tenik Longuinhos dos Santos. Fel

Add to Comments Here!!!!

error: Content is protected.
Secured By miniOrange
You might also like:
PN: GMN TV kualidade diak liu RTTL

Deputada komisaun G, Gabriela Alves, hatete,...

FRETILIN rejeita Lú Olo mak hún ba impase polítiku

Vise Xefe bankada FRETILIN, Francisco Miranda...

PN konsidera polítika Governu impede kualidade iha UNTL

Deputadu Komisaun G, ne’ebé trata asuntu...

Close