Dekanu UNTL rejeita halo diskriminasaun ba estudante defisiente

Dekanu Fakuldade  Siensia no Saúde (FSS) Universidade Nasional Timor Loros’e (UNTL) José Dionísio Ximenes, rezeita halo diskriminasaun hasoru Estudante nain tolu iha Fakuldade Medisina Jeral Saúde, tanba, kondisaun fíziku lá normal ka ema ho difisiente. 

Tanba ne’e, iha Tersa(18/02/2020) Dekanu Fakuldade  Siensia no Saúde (FSS), UNTL, José Dionísio Ximenes, halo klarifikasaun relasiona ho informasaun ne’ebé espalla iha públiku, kona-ba dekanu sira iha fakuldade Siensia Sáude halo diskriminasaun ba estudante na’in 3, ne’e la’os hasai husi fakuldade medisina, maibé  muda fali ba departamentu  seluk,  iha fakuldade seinsia no medisina nia laran.

“Ami  la halo deskrimisaun,ema hotu-hotu  iha rai laran ne’e iha dereitu hanesan, so ke ita bo’ot sira tenki hatene katak iha departamentu sira ne’ebé mai iha,iha balun ne’ebé maka por exemplu hirak ne’ebé maka ho difisensia labele simu hanesan ba medisa jerál,infermazen no parteira, como sira liu iha prosesu ida ne’e não quer dizer ami diskrimina hasai tiha tau iha fatin ne’ebé…?, maibe como realidade hatudu katak ami labele simu sira iha departamentu 3 ne’e, entaun iha ne’eba ami fó opsaun, opsaun katak bele ba departamentu farmasia, departamentu nutrisaun no siensia biodikal laboratorium”, hateten, José Dionesio, ba jornalista sira, Tersa(18/02/2020) iha  Salaun Comisaun Nasional Elisaun.

Iha fatin hanesan, Estudante Abel F. P. Melineo, la sastifaz ho desizaun husi dekanu sira no konsidera hetan diskrimisaun, tanba haree ba nia  kondisaun fíziku la normal.

“Pesoalmente senti triste tanba fou-foun rona rezultadu katak hau liu iha Fakuldade Siensia no Medisina Saúde no iha Departamentu Farmasia depois halo tiha rejistrasaun agora tuir orientasaun ne’e maka rona fali, informasaun dehan atu halo rekolokasaun mai hau, horseik hau ba hasoru señor vice dekanu, dehan be atu halo rekolokasaun mai hau, pesoalmente honestu la satisfaz ho sira nia desizaun, hau iha ne’e so ezizi deit hau nia dereitu”, dehan, Abel Melineo.

Enkuantu, estudante fakuldade medisina jerál ne’ebé tuir orientasaun iha ano letivu tinan 2020 hamutuk 530.Jen

Leave a Reply

Your email address will not be published. Required fields are marked *