JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Pasiente sofre mál nutrisaun sanulu baixa iha HNGV

Pasiente sofre mál nutrisaun sanulu baixa iha HNGV

Xefe Departamentu Kontrolu Kualidade, Hospital Nacional Guido Valadares (HNGV), Sara Maria Xavier hateten, pasiente sira ne’ebé sofre mál nutrisaun hamutuk na’in sanulu (10) mak baixa hela iha HNGV, iha sala pediátria, hodi hetan atendimentu no suporta nutrisaun ne’ebé presiza hodi hadi’a sira-nia saúde.

“Labarik sira ne’ebé hetan problema mál nutrisaun sei eziste nafatin iha ita nia óspital no sira baixa iha sala pediatria, sira hetan nafatin atendimentu no suporta nutrisaun ida ne’ebé sira presiza, hodi hadi’a sira-nia saúde nutrisaun, agora dau-daun hetan atendimentu tratamentu iha ita-nia óspital iha sala pediatria sira la ho mál nutrisaun grave, maibé ho mál nutrisaun moderada”, Xefe Departamentu Kontrolu Kualidade HNGV ne’e ba jornalista sira iha ninia kna’ar fatin HNGV, Díli, Segunda (03-02-2020).

Sara akresenta, mál nutrisaun kontinua eziste, tanba koñesementu populasun, liu-liu inan-aman ladún iha, ho nune’e ai-han ne’ebé sira prepara laiha nutrisaun ba labarik sira, kauza akontese mál nutrisaun.

“Pasiente sira ne’e, mai husi kapitál Díli no munisípiu sira seluk, problema ne’e kontinua akontese, tanba ita-nia koñesmentu ho ita-nia populasaun sira, liu-liu inan-aman kona-bá oinsa oferese no prepara ai-han ladún di’ak no máximu ba ki’ik-oan sira, entaun bele fó kauza akontese mál nutrisaun”, katak Xefe Departamentu Kontrolu Kualidade HNGV ne’e.

Tuir Sara, mál nutrisaun ne’e akontese liha mós ho moras sira ne’ebé labarik sira hetan, hanesan diareia no mós infeksaun sira seluk ne’ebé fó impaktu ba votande han labarik sira-ni’an no mál nutrisaun ne’e akontese hahú husi bebé foin moris, ne’e duni, presiza fó susu inan nini’an ho efetivu durante fulan 6 no kontinua to’o tinan 2.

Lee hotu :   Sentu Saúde Ainaro Vila falta fasilidade no eletrisidade

“Importante teb-tebes atu pesoál saúde sira iha sentru saúde komunitária, fó nafatin informasaun ba ita-nia komunidade sira, oinsa atu prevene mál nutrisaun iha komunidade, liu-liu ba labarik sira, katak sira foin moris mai presiza hetan susu-been inan nini’an ho adekuadu, durante fulan 6 tomak, depois kontinua to’o tinan 2 amenta ho ai-han ho nutrisaun ba sira”, nia subliña. eni

 

Add to Comments Here!!!!

error: Content is protected.
Secured By miniOrange
You might also like:
Kumpri períodu inkubasaun loron 14, Membru F-FDTL rua fila-fali ba uma

Hafoin kumpri períodu inkubasaun durante loron...

MDI alerta ba sidadaun Xinés, kona vírus corona labele tama TL

Ministru Defeza no Interiór Interinu, Filomeno...

Konfrontu iha Laga, rezulta ema nain haat kanek todan ■PNTL detein ona autór prinisipál

Konfrontu iha postu administrativu Laga entre ...

Close