JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Kazu Dengue Ermera sa’e ba 215, CVTL halo sosializasaun ba prevensaun

Kazu Dengue Ermera sa’e ba 215,  CVTL halo sosializasaun ba prevensaun

Cruz Vermelha Timor-Leste (CVTL), halo sosializasaun prevensaun moras dengue ba komunidade sira iha suku Mirtutu, Munisipiu Ermera, tanbá iha fulan janeiru tinan ne’e to’o marsu konsege rejista ona kazu 215.

Kazu moras Dengue iha Munisipiu Ermera hahu mosu iha tinan 2018 ho total kazu hamutuk 58, hafoin iha tinan 2019 kontinua sae ba kazu 185.

Prezidente CVTL, Madalena Hanjam, hateten, ekipa voluntariu CVTL servisu hamutuk ho Ministeriu Saúde halo atividade ida ne’e hodi fo koñesimentu ba komunidade sira, oinsa lalaok moras dengue no bele moris ho ambiente ne’ebé mos.

“Atividade ida ne’e halo prevensaun ba dengue, no fo hanoin ba komundiade sira kompriende ituan oinsa hamate susuk nia moris fatin no depois familia sira mos tenke nakloke no loke dalan para CVTL nia voluntariu no MS nia pessoal sira atu bele halo prevensaun ba iha dengue, movimentu ida ne’e ami bai-bain halo iha Dili maibe, agora ami halo iha Ermera sai fali segundu mais afetadu ba dengue,” dehan, Madalena  ba GMN iha Suku Mirtutu, Munisipiu Ermera, Sesta (06/03/2020).

Madalena esplika, moras dengue mai husi susuk Aedes Agypti ne’ebé sempre moris iha fatin sira ho bee nalihun, ho nune’e tenke halo ona prevensaun ho lalais tanbá agora tempu udan liu-liu iha area afetadu hanesan Munisipiu Ermera.

Iha fatin hanesan, Xefe Saúde Ambiental Ermera, Joni Alves dos Santos hateten, hare’e numeru kazu ne’ebé sae makaas servisu saúde munsipiu Ermera foti ona asaun hodi halo fumegasaun no abitisaun ba komunidade sira nia uma ne’ebé identifika dengue.

“Desde kazu dengue ne’e mosu ami halo atividade ida mak kordena ho liñas ministeriais atu halo mobiliza limpeza jeral, tekniku husi saúde ambiental halo fumegasaun no abatisasi no limpeza jeral, halo fumegasuan ho radiu 200 metrus bele hamate susuk adultu ne’ebé lori virus dengue,” esplika,Joni Alves.

Lee hotu :   Parokia Katedral Dili halo tinan ba 25

Naske numeru kazu bo’ot maibé to’o agora sedauk rejista pasiente mate ou lakon vida, no maioria husi pasiente hirak ne’e konsege rekopera.

Nune’e mos, Xefe Suku Mirtutu, Nicolao Menezes Salsinha agradese no apresia tebes ba prezensa CVTL tanbá bele aumenat liu tan koñesimentu komunidade nian hodi hadook aan husi moras dengue.

Alende halo sosializasaun ekipa CVTL mos fo apoiu ba ekipamentu limpeza nian hanesan luvas maskara no plastiku hodi tau lixu.

Suku Mirtutu lokaliza iha Postu Administrativu Ermera, Munisipiu Ermera ho aldeia 4 ho Xefe Familia hamutuk 666 no total populasaun 3.465.Ida

 

Add to Comments Here!!!!

error: Content is protected.
Secured By miniOrange
You might also like:
Espoza PR husu ba sosiedade hotu luta ba igualidade feto

Iha loron 8 fulan Marsu tinan...

La rejista iha Patrimóniu Estadu, Servisu konjunta rekolla kareta 9 iha ME

Servisu konjunta  Polísia Nasionál Timor-Leste (PNTL),...

Fasilita servisu munisipál, Governu lansa website ba munisípiu hotu

Governu liu husi Ministériu Administrasaun Estatal,...

Close