MEJD sei aplika programa eskola ba uma

Ministra Edukasaun Juventude no Desportu (MEJD), Dulce de Jesus Soares, hatete, programa eskola ba uma ne’e hanesan dalan ida hodi bele fasilita estudante sira kontinua aprende, tanba Estadu Emerjénsia laos tempu para atu halimar maibé tempu hodi estuda.

“Agora ami prepara hela, programa ho ninia titlu,eskola ba uma, atu lori nafatin prosesu aprendizajen ba estudante sira, maibé ami mós husi deskulpa katak la’os povu hotu iha asesu ba televizaun, tanba ne’e maka ministeiru esforsu oituan, nafatin fó akompañamentu ba estudante sira, durante tempu emerjénsia liu husi, karik iha loron ida ka rua iha programa iha televizaun Radiu Televizaun Timor Leste, i depois iha radio komunidade, iha mos facebook,iha mos youtube,iha televizaun edukativa, ami sei fo programa ne’e,i mos husu ba inan aman  sira, ou ka komunidade edukativa tomak atu bele akompañia oan sira”, hatete, Dulce de Jesus, ba Jornalista sira, Sabadu(28/03/2020), iha Centru Convenções Díli (CCD).

MEJD esplika, ekipa ministeriu edukasaun sei kontinua esforsu hodi halo komunikasaun ho diretór eskola sira, iha area remotas no muitu remotas, atu bele hasai livru hotu hodi fahe ba estudante sira.

“Ami sei halo, sei iha faze diskusaun atu haree fali karik,iha semana oin, iha possibilidade loron ida,atu bele iha eskola sira ne’ebé maka iha area remotas, ne’ebé maka ninia númeru estudante ladun barak, professor sira atu bele fahe livru ba estudante sira, atu nune’e estudante sira bele estuda deit iha uma, tanba karik sira ne’ebé iha area remotas sira laiha asesu ba televizaun”,dehan, Dulce.

Entretantu, Prezidente Repúblika dekreta ona estadu emerjensia iha loron 27, no sei implementa iha loron 28 fulan ne’e to’o loron 26 fulan abril.Jen

Leave a Reply

Your email address will not be published. Required fields are marked *